ნეტგაზეთი • RU

საქართველოში ყველაზე მეტი ფულადი გზავნილი რუსეთიდან, აშშ-დან და საბერძნეთიდან შემოვიდა

საქართველოს ეროვნული ბანკის ინფორმაციით, 2017 წლის აპრილში ქვეყანაში შემოსული ფულადი გზავნილების ნაკადების მოცულობამ 105.8 მლნ აშშ დოლარი, ანუ 255.7 მლნ ლარი შეადგინა, რაც 11.6 პროცენტით (11 მლნ აშშ დოლარით) მეტია 2016 წლის აპრილის ანალოგიურ მაჩვენებელზე.

150517ful_gzav_geo

ბანკის ინფორმაციით, უცხოეთიდან საქართველოში ფულადი გზავნილების 92.8 პროცენტი იმ 14 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ აპრილში 1 მლნ აშშ დოლარს გადააჭარბა. იმავე 14 ქვეყანაზე გასული წლის აპრილში მთელი ფულადი გზავნილების 92.3 პროცენტი მოდიოდა.

მიმდინარე წლის აპრილში რუსეთიდან 35.4 მილიონი აშშ დოლარი შემოვიდა, აშშ-დან – 11,2, ხოლო საბერძნეთიდან – 11 მილიონი აშშ დოლარი.

 2017 წლის აპრილში საქართველოდან საზღვარგარეთ 15.5 მლნ აშშ დოლარი (37.6 მლნ ლარი) გადაიგზავნა, გასული წლის აპრილში კი – 16.3 მლნ აშშ დოლარი (37.0 მლნ ლარი).

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com