„11-12 მარტის აქციის საქმეზე“ 9 ბრალდებული წინასწარ პატიმრობაში დატოვა მოსამართლე ვიოლეტა ფორჩხიძემ. გადაწყვეტილების გამოცხადების შემდეგ, ბრალდებულების ახლობლებმა სასამართლოს წინ სამართალდამცველების მანქანებს ხელები დაუშინეს. ისინი ასევე არ აძლევდნენ წასვლის საშუალებას სასჯელაღსრულების მანქანას, რითაც ბრალდებულებს უკან, ციხეში აბრუნებდნენ.
პოლიციელებმა მოქალაქეებისგან გზა ხმამაღალი შეძახილებით გაათავისუფლეს.
ბრალდებულების ახლობლების ერთი ჯგუფი ამბობდა, რომ პრეზიდენტ მარგველაშვილს შეხვედროდნენ, რომელიც დღეს ბათუმში იმყოფება. ზოგიერთმა კი აჭარის მთავრობის სახლთან შეკრება დააანონსა.
„ბათუმის აქციის საქმეზე“ მოსამართლე ვიოლეტა ფორჩხიძემ ამ წუთებში წინასასამართლო პროცესი დაიწყო. ამჯერად ამავე საქმეზე კიდევ 8 ბრალდებულის საქმე განიხილება.
