მთავარი,სიახლეები

როდის გაწმენდენ “არდაგანის ტბას” [ფოტო]

04.05.2017 • 2409
როდის გაწმენდენ “არდაგანის ტბას” [ფოტო]

ბათუმში, ე.წ. არდაგანის ტბაზე მოზღვავებული რაოდენობის შლამისა და ფეკალური მასების დაგროვების გამო მძიმე სუნი დგას, დაბინძურებულია წყლის ზედაპირი. ბულვარის ადმინისტრაციაში ამბობენ, რომ ტენდერი „არდაგანის ტბის“ გაწმენდისთვის გუშინ, 3 მაისს გამოცხადდა და მასში გამარჯვებული კომპანია 10 მაისს გამოვლინდება: „ჯამში უნდა ამოვიღოთ 6000 კუბური მეტრი  შლამი და ფეკალური მასა და გავიტანოთ ნაგავსაყრელზე. აღნიშნული სამუშაოების ღირებულება არის 190 000 ლარი“ – ამბობს სსიპ-ბათუმის ბულვარის დირექტორის მოადგილე გოჩა მჟავანაძე.

ტენდერში გამარჯვებულ კომპანიას არსებული სამუშაოების შესრულებისთვის ხელშეკრულების გაფორმებიდან ერთი თვის  ვადა აქვს.

„ეს არის შემკრები აუზი, სადაც უნდა შიკრიბოს ქალაქის სანიაღვრე სისტემებიდან მოსული მასები, გაიწმინოდს და გავიდეს ზღვაში, ეს დანიშნულება აქვს მას. აქ მერიას სატუმბი სადგურის მშენებლობა აქვს დაგეგმილი, იქამდე კი აუზი ფიზიკურად უნდა გაიწმინდოს ექსკავატორით და  სპეციალური ტექნიკის საშალებით“ – ამბობს გოჩა მჟავანაძე.

არდაგანის ტბის მარცხენა მხარე შედარებით უფრო ნაკლებად არის დაბინძურებული.

ტბის ამ ნაწილში მოსახლეობა პერიოდულად თევზაობს კიდეც. ტბის მიმდებარე ტერიტორიაზე თევზაობის ამკრძალავი საინფორმაციო დაფა არ არის განთავსებული.

 

ამავე თემაზე: ბათუმში არდაგანის ტბაც დაბინძურებულია

გადაბეჭდვის წესი


ასევე: