უამინდობისა და უხვი ნალექის გამო ხულოს მუნიციპალიტეტის 13 საბავშვო ბაღიდან ხუთ – უჩხოს, დიდაჭარის, დიოკნისის, საციხურისა და ყინჩაურის საბავშვო ბაღებში სააღმზრდელო პროცესი ხვალამდე, 17 თებერვლამდე, გადაიდო.
სააღმზრდელო პროცესი ჩაიშალა შუახევის მუნიციპალიტეტის სოფელ ბარათაულისა და ჭვანის საბავშვო ბაღებშიც.
რაც შეეხება ქედის მუნიციპალიტეტს, აქ 15 ბაღიდან სასწავლო პროცესი ბავშვთა გამოუცხადებლობის გამო ხარაულის, დანდალოს, ახოს, წონიარისის, ზვარის, ოქტომბრისა და პირველი მაისის საბავშვო ბაღებში ჩაიშალა.
ამ დრომდე აჭარის მაღალმთიანეთში ინტენსიურად თოვს, ადგილობრივ გამგეობებში აცხადებენ, რომ თოვლის გამო გადაადგილება არ შეფერხებულა.
