Batumelebi | მორიგი კონკურსი აჭარის ტელევიზიაში მორიგი კონკურსი აჭარის ტელევიზიაში – Batumelebi
RU | GE  

მორიგი კონკურსი აჭარის ტელევიზიაში

აჭარის ტელევიზიამ კიდევ ერთი კონკურსი გამოაცხადა. ამჯერად ტელევიზია ოთხ პოზიციაზე აპირებს ახალი თანამშრომლების დაქირავებას. ეს პოზიციებია: 1. ეკონომიკური გადაცემის წამყვანი, რეპორტიორი 2. შემეცნებით/გასართობი გადაცემის წამყვანი რეპორტიორი 3. სპორტული გადაცემის წამყვანი რეპორტიორი 4. სტილისტი ვიზაჟისტი.

ტელევიზიის მომავალ თანაშრომლებს სპეციალური კომისია შეარჩევს. კონკურსის პირობების მიხედვით, ტელევიზია თავდაპირველად თანამშრომლებს სამთვიანი გამოსაცდელი ვადით დაიქირავებს.

განცხადების მიღება გრძელდება 10 თებერვლამდე.

აჭარის ტელევიზიამ კიდევ ერთი კონკურსი ცოტა ხნის წინ გამოაცხადა, თუმცა მაშინ სპეციალურმა კომისიამ მხოლოდ ერთი თანამშრომლის დაქირავებაზე გაუწია ტელევიზიას რეკომენდაცია.

აჭარის ტელევიზიის დირექტორის, ნათია კაპანაძის ხელმოწერილ ბრძანებაში ასევე წერია, რომ კონკურსანტმა განცხადებაში უნდა მიუთითოს მისთვის სასურველი შრომის ანაზღაურების რაოდენობა.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.