24 იანვარს, ღამით, რუსეთმა უკრაინაში ოდესას შეუტია დრონებით. ოლქის ადმინისტრაციის ცნობით, დაზიანებულია საცხოვრებელი ინფრასტრუქტურა, დაიჭრა 2 ადამიანი.
უკრაინული მედიის ცნობით, ოდესაზე თავდასხმის ორი ტალღა იყო, საჰაერო თავდასხმის გაფრთხილებებს შორის იყო 15-წუთიანი პაუზა.
უკრაინის საჰაერო თავდაცვის ძალებმა გაანადგურეს 10 კამიკაძე დრონი.
დრონის ჩამოგდების შემდეგ ქალაქში, რამდენიმე ადგილას ხანძარი გაჩნდა.
ბოლო დღეებში ეს მეორე შეტევაა ოდესაზე. რუსეთი 17 იანვარსაც დაესხა თავს ოდესას დრონებით, რის შედეგადაც სამი მშვიდობიანი მოქალაქე დაშავდა.
