Batumelebi | ქედის საბავშვო ბაღები მუშაობას, დაგვიანებით, 25 იანვარს განაახლებენ ქედის საბავშვო ბაღები მუშაობას, დაგვიანებით, 25 იანვარს განაახლებენ – Batumelebi
RU | GE  

ქედის საბავშვო ბაღები მუშაობას, დაგვიანებით, 25 იანვარს განაახლებენ

ქედის მუნიციპალიტეტის საბავშვო ბაღებში აღმზრდელობითი პროცესი ხვალ, 25 იანვარს განახლდება. ბაღებში მუშაობის დაგვიანებით დაწყების მიზეზი ის არშემდგარი ტენდერი გახდა, რომლითაც ქედის ბაღების გაერთიანებას მუნიციპალიტეტში მოქმედი ბაღებისთვის პურ-ფუნთუშეული და სხვა საკვები პროდუქტები უნდა შეესყიდა.

იქედან გამომდინარე, რომ ბაღების გაერთიანების მიერ, საკვების შესაძენად გამოცხადებული ელექტრონული ტენდერი ორჯერ ჩაიშალა, შესყიდვების სააგენტომ გაერთიანებას უფლება დართო ბაღებისთვის, მაკარონი, პურ-ფუნთუშეული, შაქარი, მთლიანობაში ათი დასახელების პროდუქტი ერთი თვის განმავლობაში ერთ პირთან მოლაპარაკების გზითთ შეისყიდოს.

ქედის ბაგა-ბააღების გაერთიანების დირექტორის აიშე თებიძის ინფორმაციით, ხელშეკრულება გაერთიანებამ რამდენიმე ახალ მეწარმესთან უკვე გააფორმა.

ქედის მუნიციპალიტეტში 15 საბავშვო ბაღია.

ნეტგაზეთის მასალების სხვა გამოცემებში გადაბეჭდვის წესი
ავტორი