Batumelebi | შუახევის გამგეობამ ინტერნეტმომსახურებაზე ტენდერი გამოაცხადა შუახევის გამგეობამ ინტერნეტმომსახურებაზე ტენდერი გამოაცხადა – Batumelebi
RU | GE  

შუახევის გამგეობამ ინტერნეტმომსახურებაზე ტენდერი გამოაცხადა

შუახევის გამგეობამ ინტერნეტმომსახურებაზე ტენდერი 13 იანვარს გამოაცხადა, სავარაუდო ღირებულებით – 12 100 ლარი.

სატენდერო პირობების მიხედვით ინტერნეტპროვაიდერმა კომპანიამ დაბა შუახევში, თამარ მეფის ქუჩაze, N30-სა და რუსთაველის ქუჩა N 20 – ში განთავსებულ შენობებს, გლობალური ინტერნეტი, გარანტირებული სიჩქარით 40მგბ/წმ და ლოკალური ინტერნეტი გარანტირებული სიჩქარით 100 მგბ/წმ-ით 11 თვის განმავლობაში უნდა მიაწოდოს.

შენობებში, რომელთა ინტერნეტმიწოდებაზეც ტენდერია გამოცხადებული, შუახევის მუნიციპალიტეტის გამგეობა, საკრებულო და სავალდებულო სამხედრო გაწვევის სამსახურია განთავსებული.

ინტერნეტმიწოდებაზე გამოცხადებული ტენდერი 20 იანვარს დასრულდება.

2016 წელს შუახევის გამგეობა და საკრებულო „სილქნეტის“ ინტერნეტით სარგებლობდა.


აჭარის მთა ისევ ინტერნეტის გარეშე

 

ნეტგაზეთის მასალების სხვა გამოცემებში გადაბეჭდვის წესი
ავტორი