Batumelebi | ენმ ბათუმის მერიას: სად არის ნაძვის ხე? ენმ ბათუმის მერიას: სად არის ნაძვის ხე? – Batumelebi
RU | GE  

ენმ ბათუმის მერიას: სად არის ნაძვის ხე?

დღეს 19 დეკემბერს „ერთიანი ნაციონალური მოძრაობის“ წევრმა ნოდარ დუმბაძემ საახალწლო სამზადისთან დაკავშირებით ბრიფინგი გამართა.

მისი განცხადებით, არც ქალაქის ცენტრალურ მოედანზე და არც ქალაქის სკვერებში,   არ არის განთავსებული საახალწლო ნაძვის ხეები.

„დილიდან დავდივარ ქალაქში, მაინტერესებდა სადმე თუ მიმდინარეობს ნაძვის ხის მონტაჟი და ვერსად ვერ ვნახე. ნაძვის ხე არ დაუდგამთ ევროპის მოედანზეც სადაც, ტრადიციულად ამ დროისთვის უკვე იყო აღმართული.

როგორც ჩანს, ამხანაგ ერმაკოვს დაავიწყდა ნაძვის ხის არსებობა ქალაქ ბათუმში. მინდა შევახსენო, რომ ახალი წლის მოსვლამდე სულ რაღაც 12 დღეა დარჩენილი. ამიტომ მინდა ვკითხო, – სად არის ნაძვის ხე?“ – ამბობს ნოდარ დუმბაძე.

გასულ წელს, ბათუმში საახალწლო ნაძვის ხე, ევროპის მოედანზე დეკემბრის შუა რიცხვები დაიდგა.

ბათუმის მერიის ინფორმაციით კი, წელს საახალწლო ნაძვის ხე  ევროპის მოედანზე 25 დეკემბერს აინთება. „გემი არის  ბათუმში რეიდზე, დღეს საღამოს სავარაუდოდ დაიწყება   ინვენტარის დაცვლა, ხვალ კი დავიწყებთ ნაძვის ხის კონსტრუქციების აგებას. ნაძვის ხე 25 დეკემბერს განათდება“-აცხადებს მერის მოადგილე, ალექსანდრე მითაიშვილი.

მერიის ინფორმაციით, წელს ბათუმში ახალი ნაძვის ხე დაიდგმება.

ნეტგაზეთის მასალების სხვა გამოცემებში გადაბეჭდვის წესი
როინ გუნდაძე