2017 წლის დადგომამდე ცოტა ხნით ადრე საახალწლო განწყობის შესაქმნელად ბათუმში ახალ ნაძვის ხეს აანთებენ. საახალწლო დღეებში ქალაქის გაფორმებისთვის აქსესუარებისა და ნაძვის ხის შესყიდვის ტენდერი შედგა. შესყიდვის ღირებულება 256 730 ლარია.
ხელშეკრულების თანახმად, რომელიც მერიამ ტენდერში გამარჯვებულ კომპანიასტან შპს „ჯეო სტრიმთან“ უკვე გააფორმა, ახალი ნაძვის ხის გარდა საახალწლო დღეებში ბათუმში დეკორატიული ანგელოზები, ირმები და თოვლის კაცებიც გამოჩნდებიან.
სატენდერო პირობების მიხედვით, ახალი ნაძვის ხის სიმაღლე 22 მეტრი, ხოლო დიამეტრი 11 მეტრი იქნება. ნაძვის ხე უნდა შედგებოდეს მინიმუმ 16 ფენისგან, თითოეული ფენის სიმაღლე მინიმუმ 1.38 მ, ტოტების რაოდენობა მინიმუმ 1880, ტოტების სიგრძე მინიმუმ 150 სმ, ნაძვის ხის წონა მინიმუმ 1650 კგ, დაშორება ძირიდან ტოტებამდე არაუმეტეს 20 სმ უნდა იყოს.
მერიამ გასულ წლებში საახალწლო ნაძვის ხის აალების გამოცდილებაც გაითვალისწინა და სატანდერო პირობებში მიუთითა, რომ ნაძვის ხის წიწვები არაალებადი და წყალგამძლე უნდა იყოს.
მერიამ ნაძვის ხის გასაფორმებლად 840 ცალი წითელი, მწვანე და ოქროსფერი სათამაშორები შეუკვეთა. ოქრისფერი იქნება კენწეროზე დასამაგრებელი ვარსკვლავიც. ამ ყველაფერს 180 ცალი წითელი ბაფთა დაემატება. მერია ახალი წლისთვის შეისყიდის ასევე წითელ გირლაინდებს და მწვანე ლედ ნათურებს.
გარდა ამისა, მერია 186 ცალ კონუსის ფორმის ლურჯ და წითელ სათამაშოებს შეისყიდის ქუჩების გასაფორმებლად.
ნაძვის ხის კარკასი, რომელიც ბათუმს აქამდე ჰქონდა, ასლან აბაშიძის ხელისუფლებაში ყოფნის დროს არის შეძენილი. 2014 წელს, ბათუმის ნაძვის ხეს ანთებიდან მალევე ხანძარი გაუჩნდა. მაშინ ეს საკითხი ბათუმის საკრებულოს სხდომაზეც განილიხილეს, საკრებულოს წევრები მიიჩნევდნენ, რომ ძველი ნაძვის ხე, რომელსაც ცეცხლი გაუჩნდა ტურისტული ქალაქის იმიჯზე ცუდად აისახებოდა. 2015-2016 წლებში კი ნაძვის ხის ძველი კარკასი ახალი ვერცხლისფერი გირლანდებით გააფორმეს.
ნაძვის ხის ანთება ბათუმში 2016 | 25 დეკემბერი, 2015
