ბათუმში მოქალაქე ლევან ხორავა მოსამართლე ალექსანდრე გოგუაძემ 20 დღით დააპატიმრა. მას ბორკილები სხდომათა დარბაზშივე დაადეს მანდატურებმა.
გადაწყვეტილება მოსამართლემ დღეს, 25 ივლისს გამოაცხადა.
ლევან ხორავა ბათუმის პროევროპული აქციების აქტიური მონაწილეა. მისი საქმე დღეს, 24 ივლისს განიხილა მოსამართლე ალექსანდრე გოგუაძემ ბათუმის საქალაქო სასამართლოში: შსს-ს ვერსიით, ლევან ხორავამ შსს-ს წარმომადგენელს, თეა ლაღაძეს „ნაბოზარი“ უწოდა 27 მაისის სასამართლო სხდომის შემდეგ, როცა სტუდენტი ლუკა ნაცვლიშვილი მტკიცებულებების გარეშე 12 დღით დააპატიმრეს.
ლევან ხორავას დაპატიმრებას ითხოვდა შინაგან საქმეთა სამინისტრო.
„მე სამშობლოსთვის სისხლი დამიღვრია და ისევ დავღვრი, თუ საჭიროა. დამაპატიმრეთ, არ მაქვს პრობლემა… პატრიოტებს პატიმრობით ვერ შეაშინებთ, ეს იცოდეთ ოღონდ.
პატიმრობამ კი არა, მურვან ყრუმ და თემურ ლენგმა ვერ დააჩოქეს საქართველო“, – დაახლოებით ამ სიტყვებით მიმართა მოსამართლე ალექსანდრე გოგუაძეს გუშინდელ სხდომაზე მოქალაქე ლევან ხორავამ. მისი საქმე ბათუმის საქალაქო სასამართლომ 24 ივლისს განიხილა.
ამ თემაზე:
„დამაპატიმრეთ, პატრიოტებს პატიმრობით ვერ შეაშინებთ, ეს იცოდეთ“ – ლევან ხორავა მოსამართლეს
