ბათუმის აეროპორტში თვითმფრინავები ვერ ჯდება

ბათუმის აეროპორტში დღეს, 20 აპრილს, თვითმფრინავი, რომელიც ასრულებს თელავივი-ბათუმის რეისს, პირველ მცდელობაზე ვერ დაჯდა.

თვითმფრინავი ამ წუთებში [11:40 სთ] ზღვის თავზე მანევრირებს.

ბათუმის აეროპორტში ვერ დაჯდა მოსკოვი-ბათუმის თვითმფრინავიც [ 11:49 სთ].

ბათუმის აეროპორტის ინფორმაციით მიზეზი ცუდი ხილვადობაა [ნისლია], რის გამოც თელევივი-ბათუმის თვითმფრინავი შესაძლოა ალტერნატიურ აეროპორტში გაფრინდეს, მოსკოვი-ბათუმის რეისზე მოძრავ თვითმფრინავს კი გადაწყვეტილება ჯერ არ მიუღია.

ამ წუთებში [12:10 სთ] ბათუმის აეროპორტში დაჯდომას ცდილობს კიდევ ერთი თვითმფრინავი [ISR885], რომელიც ასევე თელავივი-ბათუმის რეისს ასრულებს [ეს თვითმფრინავი ბათუმის აეროპორტში დაჯდა, დაახლოებით 12:14 სთ].

ამ დროისთვის [12:16 სთ] ზღვის თავზე ტრიალებენ თელავივი-ბათუმის [ISR889] და მოსკოვი-ბათუმის[RWZ553] თვითმფრინავები.

განახლებული ინფორმაცია:

მოსკოვი-ბათუმის თვითმფრინავი აეროპორტში დაახლოებით 12:24 საათზე დაჯდა.

თელავივი-ბათუმის [ISR889] თვითმფრინავი კი მეორე მცდელობაზეც [დაახლოებით 12:32 სთ] ვერ დაჯდა და ისევ ზღვის თავზე ტრიალებს. თვითმფრინავი დაახლოებით 12:47 საათზე დაჯდა ბათუმის აეროპორტში.