აჭარის პოლიციის დეპარტამენტის დირექტორად გიორგი ბუხრაშვილი დაინიშნა.
ინფორმაცია ამის შესახებ “ბათუმელებს” შინაგან საქმეთა სამინისტროში დაუდასტურეს.
აჭარის პოლიციის უფროსად დანიშვნამდე გიორგი ბუხრაშვილი სამცხე–ჯავახეთის პოლიციის დეპარტამენტის დირექტორის პოსტს იკავებდა.
გიორგი ბუხრაშვილი “ერთიანი ნაციონალური მოძრაობის” ხელისუფლებაში ყოფნისას, ვანო მერაბიშვილის მინისტრობის დროს, შსს-ს სპიკერი იყო.
გიორგი ბუხრაშვილი ასევე მონაწილეობდა საქართველოს ექსპრეზიდენტის, მიხეილ სააკაშვილის დაკავების ოპერაციაში.
დღეს, 4 აპრილს ცნობილი გახდა, რომ თანამდებობა დატოვა გრიგოლ ბესელიამ.
შსს-ს პრესსამსახურის განმარტებით ბესელია როტაციის პრინციპით ჩაანაცვლეს.
