Batumelebi | ბათუმში 25-მდე ოჯახი სახელმწიფო საკუთრებაში არსებულ შენობაში შესახლდა ბათუმში 25-მდე ოჯახი სახელმწიფო საკუთრებაში არსებულ შენობაში შესახლდა – Batumelebi
RU | GE  

ბათუმში 25-მდე ოჯახი სახელმწიფო საკუთრებაში არსებულ შენობაში შესახლდა

დღეს, ბათუმის პორტის მიმდებარედ არსებული ყოფილი ხის დამამუშავებელი კომბინატის ტერიტორიაზე არსებული შენობა თვითნებურად დაიკავა 25-მდე ოჯახმა. მათი განმარტებით, უმრავლესობა ბათუმში ქირით ცხოვრობდა და ვეღარ შეძლო ქირის გადახდა, რის გამოც გადაწყვიტეს აღნიშნული შენობის თვითნებურად დაკავება.

„დილის 8 საათზე შემოვედით შენობაში, შემოსვლის მიზეზი არის ის, რაც ყველას გვაწუხებდა – ქირის გადასახადი! ვართ სოციალურად დაუცველები, სოციალური დახმარებით ქირის გადახდა ვეღარ შევძელით, მშივრები რომ არ დავრჩენილიყავით გამოვედით და შევსახლდით აღნიშნულ შენობაში, ეს არის ჩვენი  პროტესტის ერთგავრი ფორმა“, –  ამბობს ერთ-ერთი შესახლებული, ტარიელ მახარაძე.

შესახლებული ოჯახებიდან ერთ-ერთში, ცხოვრობს შეზღუდილი შესაძლებლობის მქონე არასრულწლოვანი. ოჯახის წევრის, ინგა გუკასიანის თქმით, ოჯახში სულ ოთხნი არიან: „მყავს შშმ ბავშვი, რომელსაც აქვს ცერებრალური დამბლა. ვცხოვრობდი ქირით. სოციალურ დახმარებას ვღებულობდი 250 ლარს, აღნიშნული  თანხით  ვეღარ შევძელით ქირის გადახდა. აქეთ საჭმლის ფული არ მრჩებოდა და ბავშვისთვის მედიკამენტების ყიდვაც მიჭირდა. ტელევიზიით ვნახეთ რომ მერია აძლევდა სოციალურად დაუცველებს ბინებს, მაგრამ როდესაც მერიაში მივედით და ვთხოვეთ დახმარება, უარი გვითხრეს“.

მერიის პრესსამსახურის ინფორმაციით აღნიშნული შენობა მერიის ბალანსზე არ ირიცხება. ამ დრომდე შესახლებულებთან შესახვედრად არავინ არ მისულა.

საჯარო რეესტრის ბოლო ამონაწერის მიხედვით შენობა და ტერიტორია, სადაც ეს შენობა დგას, 2012 წლის აგვისტოდან სახელმწიფოს საკუთრებაშია.

14360496_1184722918267566_1328599456_o

ბათუმის ყოფილი ხის დამამუშავებელი კომბინატის შენობაში 25-მდე ოჯახი შესახლდა / როინ გუნდაძის ფოტოები

14393413_1184723024934222_305776164_o14360446_1184722934934231_593801479_o14393159_1184723028267555_1336049873_o

ნეტგაზეთის მასალების სხვა გამოცემებში გადაბეჭდვის წესი
როინ გუნდაძე