2024 წლის 31 დეკემბერს, ახალი წლის ღამეს, თბილისში, რუსთაველის გამზირზე, პარლამენტის შენობასთან საპროტესტო აქციის მონაწილეებმა სუფრის გაშლა დაიწყეს.
რუსთაველზე მაგიდებს საქართველოს დროშის ფერების, თეთრი და წითელი გადასაფარებლები გადააფარეს და აქციის მონაწილეებმა საკვების დალაგება დაიწყეს. ესაა ტკბილეული, ციტრუსი, ხილი, კანფეტები, სხვადასხვა საკვები…
ეს პირველი შემთხვევაა, როცა რუსთაველის გამზირზე, სადაც საპროტესტო აქცია ბევრი ფორმით გამართულა, სუფრა იშლება, როგორც პროტესტის და ერთიანობის სიმბოლო.
რუსთაველის გამზირზე ღამის 10 საათიდან იკრიბებიან მოქალაქეები. აქცია სახელწოდებით -„ახალი წლის ჯადოსნური საპროტესტო ღამე“ რამდენიმე დღის წინ დაანონსდა. „ამ ქვეყანაში მხოლოდ ჩვენ ვართ ლეგიტიმური – ქართველი ხალხი“ – წერია ღონისძიების გვერდზე, ფეისბუქზე.
რუსთაველის გამზირზე წელს ტრადიციული, საახალწლო კონცერტი, რომელსაც თბილისის მერია მართავს, არ იქნება. დედაქალაქის მთავარი ქუჩა მთლიანად დაიკავა საპროტესტო მოძრაობამ, რომელიც საქართველოში უკვე 34 დღეა, უწყვეტად გრძელდება.
თვეზე მეტია საქართველოში მიმდინარეობს მასშტაბური პროტესტი, რომელმაც არა მარტო თბილისი, არამედ საქართველოს სხვა ქალაქებიც მოიცვა. პროტესტი გამწვავდა 28 ნოემბერს ირაკლი კობახიძის განცხადების შემდეგ, რომ „ქართული ოცნება“ ევროკავშირში გაწევრიანების პროცესს 2028 წლის ბოლომდე აჩერებს.
28 ნოემბრიდან დღემდე ათასობით ადამიანი გამოდის საპროტესტო აქციებზე თბილისში, ბათუმსა და საქართველოს სხვა ქალაქებში. დაკავებულია და სასტიკად ნაცემი ასობით ადამიანი, მათ შორის, მედიის წარმომადგენლები, სახელოვნებო სივრცის წარმომადგენლები.
არაიდენტიფიცირებადი პირები ჯგუფურად თავს ესხმიან ქუჩებში მოქალაქეებსა და მედიის წარმომადგენლებს. საპროტესტო აქციებზე ორგანიზებულად გამოდიან სხვადასხვა პროფესიული სფეროს და, ასევე, საქართველოს სხვადასხვა ქალაქისა და რეგიონის წარმომადგენლები.
ნახეთ ფოტოები, რა ხდება თბილისში, რუსთაველზე, 2024 წლის 31 დეკემბერს.

საახალწლო სუფრა რუსთაველზე. თბილისი, 31 დეკემბერი. ფოტო: „ნეტგაზეთი“/ნათია ცქიფურიშვილი

საახალწლო სუფრა რუსთაველზე. თბილისი, 31 დეკემბერი. ფოტო: „ნეტგაზეთი“/ნათია ცქიფურიშვილი

საახალწლო სუფრა რუსთაველზე. თბილისი, 31 დეკემბერი. ფოტო: „ნეტგაზეთი“/ნათია ცქიფურიშვილი

საახალწლო სუფრა რუსთაველზე. თბილისი, 31 დეკემბერი. ფოტო: „ნეტგაზეთი“/ნათია ცქიფურიშვილი

საახალწლო სუფრა რუსთაველზე. თბილისი, 31 დეკემბერი. ფოტო: „ნეტგაზეთი“/ნათია ცქიფურიშვილი

საახალწლო სუფრა რუსთაველზე. თბილისი, 31 დეკემბერი. ფოტო: „ნეტგაზეთი“/ნათია ცქიფურიშვილი