გერმანული მედია იუწყება, რომ, როგორც ჩანს, არამხოლოდ ბაშარ ალ-ასადის რეჟიმი, არამედ მისი ქორწინებაც დასრულდა. ასმა ალ-ასადიმ, რომელიც თავის დიქტატორ ქმართან ერთად მოსკოვში გაიქცა, განქორწინება მოითხოვა. მას რუსეთის დატოვება სურს.
თუმცა რუსული მხარე ამ ინფორმაციას უარყოფს.
59 წლის დიქტატორის ქორწინების დასრულებაზე გერმანული მედია თურქულ გამოცემა “Habertürk”-ზე დაყრდნობით წერს. იმავე წყაროს ინფრმაციით, ასადის ცოლს მოსკოვში არ მოსწონს საცხოვრებელი პირობები.
49 წლის ქალს ლონდონში წასვლა სურს და ამიტომ 24-წლიანი ქორწინების შემდეგ განქორწინება მოითხოვა. ამ მიზეზით ასმამ, რომელიც ცნობილია, როგორც „აღმოსავლეთის ქალბატონი“ და „ვარდი უდაბნოში“, უკვე მიმართა რუსეთის სასამართლოს მოსკოვის დატოვების სპეციალური ნებართვისთვის.
ქალის განცხადებას, რომელსაც ერთ დროს მთელი სირია ემორჩილებოდა, ამჟამად რუსეთის ხელისუფლება განიხილავს და რას გადაწყვეტს, ჯერჯერობით უცნობია.
მედია ამის შესახებაც წყაროებზე დაყრდნობით წერს.
რუსეთის მთავრობამ დღეს უარყო მედიაში გავრცელებული ინფორმაცია ასმას სურვილზე, გაშორდეს ბაშარ ალ-ასადის. პუტინის ადმინისტრაციის პრესსპიკერმა, დიმიტრი პესკოვმა ასევე უარყო ინფორმაცია იმის შესახებ, რომ ასადი მოსკოვში დაკავებულია, ხოლო მისი აქტივები გაყინულია.
