„დაახლოებით 3 ლარია წელს თხილის ფასი,“ – გვითხრეს ქობულეთში, თხილის მოსავლის აღება დაიწყო. ფერმერების თქმით, თხილის მოსავალი წელს მკვეთრად შემცირდა და ხარისხი გაუმჯობესდა, თუმცა ეს თხილის ფასზე არ აისახა.
„კარგი მოსავალია წელს, ხარისხი კარგია, თუმცა ვინც წინა წლებში 5 ტონას კრეფდა, წელს 3 ტონა აქვს“, – უთხრა „ბათუმელებს“ ბადრი ლორჩოშვილმა, თხილის ექსპორტიორი კომპანია „ნათს ელის“ ხელმძღვანელმა. ეს კომპანია სენაკში იბარებს თხილს.
თხილის ექსპორტიორი ამბობს, რომ საშუალო ხარისხის თხილს 3.5 – 4 ლარად იბარებს, საუკეთესო ხარისხის თხილის ფასი კი, 6 ლარია.
თხილის ფასი მაშინ იზრდება, როცა მოსავალი ხმება და წონაში იკლებს. რამდენით გაიზრდება თხილის ფასი, რა პროგნოზი არსებობს?
„არ ვიცი, ვერ გეტყვით, რამდენით გაიზრდება, ან საერთოდ მოიმატებს თუ არა ფასი… თხილის ფასი საქართველოში გასულ წელთან შედარებით საშუალოდ 1 ლარით გაიზარდა.
ალბათ ისევ გერმანიაში წავიღებთ თხილს, ჯერ არ გვაქვს კონკრეტული შეთანხმება. თხილის სეზონის დასრულებას კიდევ ერთი თვე დასჭირდება ალბათ,“ – გვითხრა ბადრი ლორჩოშვილმა.
