ბათუმის მერია ქალაქის საკთრებაში არსებულ 5500 ცალ კრამიტსა და 2100 კვ/მ ტროტუარის მოსაპირკეთებელ ფილას [მეორადს] უსასყიდლოდ, „თხოვების უფლებით“ სსიპ „საქართველოს საპატრიარქოს“ გადასცემს.
შესაბამისი დახმარების თხოვნით ბათუმის მერს, გიორგი ერმაკოვს, ბათუმისა და ლაზეთის მიტროპოლიტის მდივანმა ორჯერ წერილობით მიმართა. მიტროპოლიტის მდივნის ერთ წერილში აღნიშნულია, რომ კრამიტი და ფილა წმინდა ევდემოზ კათალიკოსის სახელობის მშენებარე ტაძრის გადახურვისთვის ესაჭიროებათ, ხოლო მეორე წერილში დაკონკრეტებული არ არის რომელი მშენებარე ტაძრისთვის ესაჭიროება ეკლესიას 600 კვ/მ ფილა.
სამშენებლო მასალების ეკლესიისთვის გადაცემაზე თანხმობა ბათუმის მერს, ბათუმის საკრებულომ, 4 აგვისტოს საგანგებო სხდომაზე უნდა მისცეს.
„970 ლარის ღირებულების მქონე 500 ცალი კრამიტი და 400 ლარის საერთო ღირებულების მქონე 50 კვ/მ ძვლის ფორმის, მოსაპირკეთებელი ფილა“ უსასყიდლოდ, თხოვების უფლებით, სსიპ „საქართველოს საპატრიარქოს“ ბათუმის მერიამ სამი თვის წინაც გადასცა.
ამავე თემაზე:
