უკრაინელი მოკრივე, ოლექსანდრ უსიკი მსოფლიოს აბსოლუტური ჩემპიონი გახდა მძიმე წონაში.
18 მაისს უსიკმა დაამარცხა ცნობილი ბრიტანელი მოკრივე, ტაისონ ფიური. ბრძოლა 12 რაუნდის განმავლობაში მიმდინარეობდა.
გამარჯვების შემდეგ უკრაინელმა მოკრივემ გარდაცვლილ მამას მიმართა: „მამა, გესმის? ჩვენ ეს შევძელით!“
თავის მხრივ ფიურიმ განაცხადა, რომ ბრძოლა მან მოიგო, მსაჯების გადაწყვეტილება არ იყო სამართლიანი და უსიკთან განმეორებითი მატჩი დააანონსა. უკრაინელმა მოკრივემ განაცხადა, რომ მზადაა შემდეგი ბრძოლისთვის.
_____________
ფოტო: ევროპის პრესფოტო სააგენტო. EPA-EFE/ALI HAIDER
