ბათუმის ცენტრალური პარკის მთავარი მშვენება, ნურის ტბა, თავიდან კოღოების ბუდე და მალარიის გავრცელების წყარო იყო ქალაქისთვის. ტბის ირგვლივ პარკის მოწყობა 1881 წელს დაიწყო.
პარკს თავიდან რუსეთის იმპერატორის პატივსაცემად „ალექსანდრეს ბაღი“ ერქვა, მერე სახელი ბევრჯერ შეუცვალეს. 1932 წელს კულტურისა და დასვენების პარკად გადააკეთეს, 1933 წელს – ბავშვთა პარკად, მერე – პიონერთა პარკად. 2006 წლიდან კი 6 მაისის პარკი ეწოდა. ხან ბერიას სახელობის იყო პარკი, ხან ლენინის, ხან მოსწავლე ახალგაზრდობის.
ბათუმის ალექსანდრე ნეველის სამხედრო ტაძრის, იგივე სობოროს საძირკვლის კურთხევისას, 1888 წლის 25 სექტემბერს, იმპერატორი ალექსანდრე მესამე ეწვია ბათუმს.
დავით კლდიაშვილი მემუარებში იხსენებს: სიმბოლური ხეების დარგვას რომ მორჩებოდა იმპერატორი და ბაღიდან გავიდოდა, სათამაშო ზარბაზნის სროლით უნდა შეხვედროდნენო – ასეთი გეგმა ჰქონდა თურმე ერთ ახირებულ პოლკოვნიკ შევიჩს. ურჩიეს პოლკოვნიკს, რომ მასხრობას დაემსგავსებოდა ყველაფერი, მაგრამ ის თურმე თავისას არ იშლიდა, ვორონცოვ-დაშკოვი ჰყოლია მფარველად და დიდგულობდა. ყველაფერი იმით დასრულდა, რომ იმპერატორმა სულ სხვა მხრიდან დატოვა თურმე ბაღი და შევიჩი დიდად გულდაწყვეტილი დარჩა.
ბათუმის ცენტრალური პარკისა და ნურის ტბის სხვადასხვა წელს გადაღებული ფოტოების ნაწილი ეროვნული ბიბლიოთეკის კოლექციებშია დაცული.
1900 წელი, ნურის ტბა/საქართველოს პარლამენტის ეროვნული ბიბლიოთეკა
ნურის ტბა 1965 წელი, ბათუმი, ღია ბარათი/საქართველოს პარლამენტის ეროვნული ბიბლიოთეკა
ბათუმის ცენტრალური პარკის კოლონადები/საქართველოს პარლამენტის ეროვნული ბიბლიოთეკა
მოსწავლე ახალგაზრდობის პარკი 1951 წელი/ელეფთერ ლაფაჩის კოლექცია/ეროვნული ფოტომატიანე
ნური გელის ტბა მზის ჩასვლისას, ბაადურ ქობლიანიძის კოლექცია/საქართველოს პარლამენტის ეროვნული ბიბლიოთეკა
ღია ბარათი, ნური გელის ტბა, ბაადურ ქობლიანიძის კოლექცია/საქართველოს პარლამენტის ეროვნული ბიბლიოთეკა
ბათუმის ცენტრალური პარკი 1970 წელს
ნური გელის ტბა, ბაადურ ქობლიანიძის კოლექცია
ბათუმის აკაკი წერეთლის სახელობის საჯარო ბიბლიოთეკის ფოტომატიანე
