მთავარი,სიახლეები

თოვის გამო რომელ გზაზე შეიზღუდა გადაადგილება

27.01.2024 • 4712
თოვის გამო რომელ გზაზე შეიზღუდა გადაადგილება

თოვის გამო საავტომობილო გზის გარკვეულ მონაკვეთებზე შეზღუდვები მოქმედებს. საავტომობილო გზების დეპარტამენტის ინფორმაციით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური [ფოსტა]–კობის მონაკვეთზე ზვავსაშიშროების საფრთხის დონე მაღალია, რის გამოც აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა.

„თოვის გამო, შიდასახელმწიფოებრივი მნიშვნელობის ქუთაისი [მოწამეთა]-ტყიბული-ამბროლაურის საავტომობილო გზის კმ 39-კმ 62 [ნაქერალას უღელტეხილი] მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა.

ინტენსიური თოვის, დაბალი ტემპერატურის და შეზღუდული ხილვადობის გამო, საერთაშორისო მნიშვნელობის ხაშური-ახალციხე-ვალეს საავტომობილო გზის კმ51–კმ97 [აწყური-ვალე] მონაკვეთზე, ახალქალაქი-კარწახის საავტომობილო გზის კმ1-კმ 36.5 მონაკვეთსა და ახალციხე-ნინოწმინდის საავტომობილო გზაზე აკრძალულია მისაბმელიანი, ნახევრადმისაბმელიანი ავტოტრანსპორტის და M3 კატეგორიის 22-ზე მეტი დასაჯდომი ადგილის [მძღოლის ადგილის გარდა] მქონე მგზავრთა გადასაყვანად განკუთვნილი ავტოსატრანსპორტო საშუალებების მოძრაობა, ხოლო დანარჩენი სახის ავტოტრანსპორტის მოძრაობა თავისუფალია,“ – აღნიშნულია საქართველოს საავტომობილო გზების დეპარტამენტის განცხადებაში.

აჭარის გზების დეპარტამენტის პრესცენტრის ინფორმაციით, ამ ეტაპზე თოვის გამო გადაადგილების პრობლემა აჭარის სოფლებში არ არის.

გადაბეჭდვის წესი


ასევე: