მთავარი,სიახლეები

ბათუმის მერიაში საგანგებო თათბირი ჩატარდა

08.07.2016 • 1494
ბათუმის მერიაში საგანგებო თათბირი ჩატარდა

ცოტა ხნის წინ, ბათუმის მერიაში საგანგებო თათბირი დასრულდა. ქალაქის მერმა გიორგი ერმაკოვმა და მერიის სამსახურებმა, ქალაქში არსებული ვითარება განიხილეს. ბოლო მონაცემებით კვლავ დატბორილია ლერმონტოვის ქუჩის ერთი მონაკვეთი [მერიის შენობასთან] და ასევე ბაგრატიონისა და ყოფილი შაუმიანის ქუჩების კვეთა.

„ძირითადი პრობლემა შეგვექმნა ქალაქის შემოსასვლელში, სანიაღვრე წყლებდმა გადაკეტეს სანიაღვრე ცხაურები, ცხაურები იქნა გათავისუფლებული ხისა თუ ფოთლების ნარჩენებისგან, რომლებიც სანიაღვრე სისტემაში არ იყო მოხვედრილი. ეს იყო ძირითადად რესტორან “მეგრულ-ლაზურთან” ქალაქის შემოსასვლელში [მახინჯაური], მერე ჩატარდა გაწმენდითი სამუშაოები ჩაქვში, „გალფის“ ბენზინგასამართი სადგურთან [ბოტანიკური ბაღის შესასვლელის მიმდებარე ტერიტორიაზე] და იქაც მოგვარდა პრობლემა. ძირითადი პრობლემა სანიაღვრე წყლებისა გვქონდა ისევ მაიაკოვსკის ქუჩაზე [ბონის კულტურის სახლის მიმდებარე ტერიტორია], ასევე ბაგრატიონისა და ყოფილი შაუმიანის ქუჩების კვეთა, სადაც საცხოვრებელი სახლები თითქმის გზის სავალი ნაწილის დონეზე დაბლა არის“ – თქვა გიორგი ერმაკოვმა.

გადაბეჭდვის წესი


ასევე: