ბათუმში სტუდენტები, მომავალი იურისტები, პლურალისტური მედიისა და თავისუფალი ჟურნალისტური საქმიანობის დაცვის სტანდარტებს განიხილავენ.
ბსუ-ს და სხვა უმაღლესის სასწავლებლების იურიდიული ფაკულტეტის სტუდენტებთან დისკუსია 10 ნოემბერს, 12 საათზე, „დემოკრატიული ჩართულობის ცენტრში“ გაიმართება.
სტუდენტებს აღნიშნულ თემებზე საქართველოს ახალგაზრდა იურისტთა ასოციაციის აჭარის ფილიალის თავმჯდომარე, თამარ წულუკიძე ესაუბრება.
შეხვედრა იმართება „თავისუფალ ჟურნალისტთა სახლის“ დისკუსიათა ციკლის – „მედიის თავისუფლება – გზა ევროინტეგრაციისკენ“ – ფარგლებში.
დასწრება თავისუფალია.
მისამართი: 26 მაისის ქუჩა №31, ბათუმი, „დემოკრატიული ჩართულობის ცენტრი“.
____________
ფოტოზე: თამარ წულუკიძე, საქართველოს ახალგაზრდა იურისტთა ასოციაციის აჭარის ფილიალის თავმჯდომარე
