საქართველოში გაერთიანებული სამეფოს ელჩი მარკ კლეიტონი, გორის მუნიციპალიტეტის სოფელ კირბალთან, რუსი ოკუპანტების მიერ საქართველოს მოქალაქის თამაზ გინტურის მკვლელობას ეხმაურება.
„შოკირებული ვარ რუსეთის ძალების მიერ თამაზ გინტურის მკვლელობის გამო. ვუსამძიმრებ მის ოჯახს და ახლობლებს. რუსეთმა უნდა დაასრულოს ქართულ მიწაზე არალეგალური ყოფნა და გაათავისუფლოს ყველა დაკავებული“ – წერს ელჩი X-ზე [ყოფილ ტვიტერზე].
შოკირებული ვარ რუსეთის ძალების მიერ თამაზ გინტურის მკვლელობის გამო. ვუსამძიმრებ მის ოჯახს და ახლობლებს. რუსეთმა უნდა დაასრულოს ქართულ მიწაზე არალეგალური ყოფნა და გაათავისუფლოს ყველა დაკავებული. https://t.co/pjzgBkBVfU
— Mark Clayton (@MarkClaytonFCDO) November 7, 2023
გუშინ, 6 ნოემბერს, რუსმა ოკუპანტებმა სოფელ კირბალში ადგილობრივი მცხოვრებლის უკანონოდ დაკავების მცდელობისას ცეცხლსასროლი იარაღით მოკლეს თამაზ გინტური.
სუს-ის ინფორმაციით, ამავე დღეს, გინტურის მკვლელობის შემდეგ საოკუპაციო ძალების წარმომადგენლებმა უკანონოდ დააკავეს საქართველოს კიდევ ერთი მოქალაქე.
