გრძელდება თუ არა იაფი სახლის პროგრამა, როდის დაიწყება განაცხადების მიღება მესამე ეტაპისთვის, სად აპირებს მერია სახლების მშენებლობას „იაფი სახლის“ პროგრამის ფარგლებში და როდის? – ეს კითხვები „ბათუმელების“ ფეისბუქის გვერდზე თითქმის ყოველდღე შემოდის. მკითხველი დაჟინებით ითხოვს პასუხებს, თუმცა ამ პასუხებს მერიაში ვერ გვაწვდიან.
პრესსამსახურში გვითხრეს, რომ პროგრამა გაგრძელდება, სხვა დეტალები კი ჯერ ცნობილი არ არის. არც მიმდინარე წლის ბიუჯეტშია რაიმე თანხა ამ პროგრამის ფარგლებში მშენებლობისთვის გათვალისწინებული.
ბათუმის მერიამ „იაფი სახლის“ პროგრამით გათვალისწინებული 100 ბინა სექტემბერში გაანაწილა.
კომისიის გადაწყვეტილებას პროგრამის მეორე ეტაპზე 294 ოჯახი ელოდა. „იაფ სახლში“ ბინების რაოდენობის შესაბამისად კომისიამ 100 ოჯახი შეარჩია, მათგან 19 წინა ეტაპზე იყო შერჩეული.
მერიის ინფორმაციით, 294 განაცხადიდან 81-მა ოჯახმა დააგროვა გამსვლელი ქულა. დამატებით, შერჩეულ 11 ოჯახს კი, ბინები შემდეგ ეტაპზე გადაეცემა. როდის დაიწყება პროგრამის მესამე ეტაპი, ამის შესახებ არ ვიცით.
„ბათუმელების“ ინფორმაციით, მერიამ პასუხები უკვე გაუგზავნა ოჯახებს, რომლებსაც შერჩევასთან დაკავშირებით პრეტენზიები აქვთ და მერიას საჩივრებითაც მიმართეს.
რა წერია ამ პასუხებში ჯერ არ ვიცით.
რა პრინციპით გაანაწილა მერიამ „იაფ სახლში“ ბინები – 100 შერჩეული და 20 საჩივარი
