მეგი ბაჟუნაიშვილი წლებია ფარმაცევტულ სფეროში საქმიანობს. მისთვის მნიშვნელოვანია, ადამიანებს დაეხმაროს და მედიკამენტების შესახებ საჭირო ინფორმაცია მიაწოდოს. მეგის ქობულეთში, პსპ-ს #220 აფთიაქში, რუსთაველის #120-ში შევხვდით და ფარმაცევტის პროფესიაზე ვესაუბრეთ.
მოგვიყევით, თქვენ შესახებ, ვინ ხართ და რა განათლება გაქვთ?
მე მეგი ბაჟუნაიშვილი ვარ. უმაღლესი განათლება ბათუმის დამოუკიდებელ უნივერსიტეტში მივიღე. ვცხოვრობ ქობულეთში და მყავს 11 წლის შვილი.
როგორ მოხვდით პსპ-ში და რამდენი წელია, რაც აქ მუშაობთ? ამჟამად თქვენი საქმე რა არის?
გარკვეული წლების განმავლობაში ვმუშაობდი ფარმადეპოში, პსპ-ს წინ. როცა გავიგე, რომ პსპ-ს ახალი ფილიალი იხსნებოდა, 3 წლის წინ დავწერე განცხადება და გადმოვედი აქ, ქობულეთში, რუსთაველის #-120 ში.
რამდენად მნიშვნელოვანია ფარმაცევტის კომპეტენცია? თუნდაც იმიტომ, რომ თუ აფთიაქში ადამიანი ცუდად გახდება, დაეხმაროთ. გქონიათ მსგავსი შემთხვევა?
ფარმაცევტის კომპეტენცია აუცილებელია.
ფორსმაჟორული სიტუაცია არაერთხელ მქონია, უმეტეს შემთხვევაში ჰიპერტენზია, როცა სისხლის წნევა არის გაზრდილი. ერთხელ ფეხმძიმე გახდა ცუდად და წარმატებით გავართვი თავი მის დახმარებას.
რას ნიშნავს თქვენთვის პსპ?
ჩემთვის პსპ საქართველოში #1 აფთიაქია.
რა არის მთავარი ფარმაცევტისა და მომხმარებლების ურთიერთობაში?
მნიშვნელოვანია, მომხმარებელი ჩემი მომსახურებით კმაყოფილი იყოს და მის ყველა კითხვაზე მქონდეს ზუსტი პასუხი, იქნება ეს მედიკამენტზე, დოზირებასა თუ სხვა ფარმაცევტულ საკითხზე.
რატომ უნდა აირჩიოს მომხმარებელმა პსპ?
პსპ-ში დაგხვდებათ ხელმისაწვდომი ფასები და ხარისხიანი მედიკამენტები, ასევე, პროფესიონალი კადრები, რომლებიც მომხმარებლების კმაყოფილებაზე არიან ორიენტირებულნი.
