ქართული ფარმაცევტული კომპანია PSP 1994 წელს დაფუძნდა, 1994 წლიდან დღემდე პსპ წარმოადგენს ერთერთ უმსხვილეს ექსკლუზიურ პარტნიორს საერთაშორისო ფარმაცევტული და თავის მოვლის საშუალებების ბრენდების.
PSP-ს ქსელი დღეს 310 აფთიაქით არის წარმოდგენილი საქართველოს მასშტაბით. აფთიაქებში შესაძლებელია მედიკამენტების, თავის მოვლის საშუალებების, საკვები დანამატების, კოსმეტიკის, ბავშვთა მოვლის პროდუქციისა და სამედიცინო ტექნიკის შეძენა.
2020 წლიდან პსპ-მ ციფრული ტექნოლოგიების მიმართულებით აქტიური მუშაობა დაიწყო. დღეისათვის კომპანიაში მიმდინარეობს არა ერთი პროექტი ბიზნესის გაციფრულების. 2020 წელს განაახლა ციფრული აპლიკაცია და საიტი. დღეისათვის ონალინ მაღაზიით სარგებლობა, მომხმარებელს საქართველოს ყველა დიდ ქალაქში შეუძლია.
კომპანიის სიახლეებსა და გეგმებზე „ბათუმელები“ PSP-ს მარკეტინგის მიმართულების ხელმძღვანელს, ნუცა სოსებაშვილს ესაუბრა.
- ნუცა, PSP დიდი ხნის განმავლობაში პოზიციონირებდა, როგორც „ჩვენი ოჯახის აფთიაქი“ და პირველი, რაც PSP-თან ასოცირდებოდა, სწორედ ეს სლოგანი იყო. თუმცა, თქვენს კომპანიას მედიკამენტების გარდა თავის მოვლის საშუალებების ერთ-ერთი ყველაზე ძლიერი ხაზი აქვს. როდის დაიწყეთ ამ მიმართულებით განვითარება? რა ცვლილებები განიცადა ბრენდმა ბოლო წლებში?
PSP დღესაც პოზიციონირებს როგორც „ჩვენი ოჯახის აფთიაქი“. ჩვენ სააფთიაქო ქსელის მიზანი იყო და ყოველთვის იქნება, საქართველოს მოქალაქეების ცხოვრების გაადვილება, ამისათვის ჩვენ მათ ვთავაზობთ ჯანმრთელობის და თავის მოვლის საშუალებების ძალიან ფართო არჩევანს, საქართველოს ყველა კუთხეში.
ბოლო წლებში ძალიან გაიზარდა თავის მოვლის საშუალებების ბრენდების წარმოჩენა, თუმცა ამ მიმართულებით განვითარება 2003 წლიდან დავიწყეთ. ერთ-ერთი პირველი წარმომადგენელი ვიყავით ევროპული თავის მოვლის ბრენდების. 2012 წლიდან, სააფთიაქო ქსელის რებრენდიგნთან ერთად აქტიურად დავიწყეთ წამყვანი ევროპული ბრენდების პროდუქტების გავრცელება ჩვენს ქსელებში.
დღეს PSP ჩვენი ოჯახის აფთიაქია, რომელიც წარმოადგენს ჯანმრთელობისა და თავის მოვლის საშუალებების ერთობლიობას.
- ფარმაცევტული ბაზარი ძალიან კონკურენტულია. რა გამოარჩევს PSP-ს სხვა აფთიაქებისგან?!
30 წელია PSP საქართველოში საქმიანობს და ჩვენ ერთ-ერთი პირველი კომპანია ვიყავით, რომელმაც ევროპული მედიკამენტები შემოიტანა ქართულ ბაზარზე, პირველი კომპანია იყო, რომელმაც მომხმარებელს საცალო ქსელის ევროპული კონცეფცია შესთავაზა.
ჩვენ ექსკლუზიური ბრენდების საკმაოდ დიდი პორტფელი გვაქვს, იქნება ეს მედიკამენტების თუ თავის მოვლის საშუალებების მიმართულებით.
პირველებმა შევცვალეთ აფთიაქების ფორმატი მთელი ქვეყნის მასშტაბით, პირველებმა შევქმენით მობილური აპლიკაცია, დღეს კი აქტიურად ვმუშაობთ კომპანიაში პროცესების გაციფრულებაზე და ახალი ტექნოლოგიების დანერგვაზე. მუდმივად ვცდილობთ განვვითარდეთ და დავნერგოთ სიახლეები.
- რას სთავაზობთ იმ ადამიანებს, რომლებიც ეთიკური მიზეზების გამო ცხოველურ პროდუქტებს არ მოიხმარენ? გაქვთ თუ არა თავის მოვლის ვეგანური საშუალებები?
PSP-ს პორტფელში წარმოდგენილია არა ერთი ვეგანური ბრენდი. ჩვენ აქტიურად ვთანამშრომლობთ იმ ევროპულ მწარმოეგლებთან, რომელთა კორპორატიული სოციალური პასუხისმგებლობა მდგარადი განვითარებაა.
- რაც შეეხება საკვებ დანამატებს, რომელიც ადამიანებს მენტალურ ჯანმრთელობასა და ჯანსაღ ცხოვრებაში ეხმარება, როგორ არის ეს ხაზი წარმოდგენილი PSP-ში?
საკვები დანამატებისა და ვიტამინების ძალიან დიდი ასორტიმენტი გვაქვს. წამყვან ევროპულ და ამერიკულ კომპანიებთან გვაქვს ექსკლუზიური თანამშრომლობა.
ისეთი ცნობილი ბრენდები, როგორიცაა: Solgar, Amvilab, Pileje, Pure, Orthomol, DoppelHertz – საქართველოში ექზკლუზიურად ჩვენი პარტნიორები არიან.
- რა სიახლეებს უნდა ელოდონ მომხმარებლები PSP-გან წლის ბოლომდე? ამ მხრივ რა იგეგმება კონკრეტულად ბათუმში, სადაც ახლახან სილამაზის ფესტივალიც ჩაატარეთ?
ჩვენ წელს რამდენიმე ახალი ბრენდის პროდუქტები დავამატეთ პორტფელს, რომელიც სილამაზის ფესტივალზე გამოიფინა.
წელს არა მარტო ევროპული ბრენდები დავიმატეთ, არამედ კორეული კოსმეტიკის პორტფელიც გავზარდეთ. ველოდებით სიახლეებს ფრანგული პრემიუმ ხაზის ბრენდის, „კოდალის“ მიმართულებით. გვექნება აქტიური საკომუნიკაციო კამპანია, ისეთი პოპულარული ბრენდებისთვის, როგორიცაა „ესტედერმი“, „ბიოდერმა“ და სხვა.
- ადამიანებს მუდმივად აინტერესებთ ფასდაკლებები. რა სტრატეგია გაქვთ ამ მიმართულებით?
ძალიან დატვირთული ფასდაკლების კამპანია გვაქვს. ჩვენ ვცდილობთ მომხმარებლებს მათზე მორგებული ფასდაკლებები შევთავაზოთ. ეს შეიძლება იყოს კონკრეტულ ბრენდზე, ან ხაზზე.
