30, 31 ივლისსა და პირველ აგვისტოს ბათუმში წლის მთავარი სილამაზის ფესტივალი – PSP Beauty Fair გაიმართება.
ფესტივალის განმავლობაში PSP სააქციო თუ სასაჩუქრე შეთავაზებების გარდა, მომხმარებელს სთავაზობს სერვისებს პირადი გამოცდილებებისა და სასიამოვნო მოგონებების დასაგროვებლად: სტუმრები გაივლიან უფასო კონსულტაციებს, დაესწრებიან მასტერკლასებს და ჩაიტარებენ თავის მოვლის პროცედურებს.
სილამაზის ფესტივალზე დაგხვდებათ მსოფლიოს ცნობილი ფრანგული, კორეული თუ იტალიური ბრენდების კუთხეები.
PSP-ეს მარკეტინგის მენეჯერი სალომე პატარაია „ბათუმელებთან“ საუბრისას აღნიშნავს, რომ თავდაპირველად ფესტივალი თბილისში გაიმართა, თუმცა დიდი მოთხოვნის გამო მისი ქუთაისსა და ბათუმში ჩატარებაც გადაწყდა.
„ბათუმში სტუმრები გაივლიან უფასო კონსულტაციებს დერმატოლოგიურ და თმის მოვლის სივრცეებში, დაესწრებიან მასტერკლასებს, როგორც ადგილობრივ, ისე თბილისიდან ჩამოსულ პროფესიონალებთან, მათ შორის ვიზაჟის სივრცეში, ჩაიტარებენ თავის მოვლის და ესთეტიკურ პროცედურებს,” – ამბობს სალომე პატარაია.
მისივე თქმით, ბათუმის ფესტივალი გამორჩეული იქნება იმითაც, რომ ადგილზე სრულიად ახალი ბრენდების პროდუქტების პრეზენტაცია გაიმართება.
„რამდენიმე ისეთი ბრენდია, რომელიც აფთიაქებში ჯერ არ არის და პირველად ნახავენ ბათუმის ფესტივალის სტუმრები“, – ამბობს სალომე პატარაია.
50-ლარიან შენაძენზე, მომხმარებელს თითოეულ სივრცეში სასაჩუქრე ჩანთა გადაეცემა სამგზავრო ზომის პროდუქტებით.
ფესტივალზე არც ბავშვები მოიწყენენ. მათ საბავშვო სივრცეში სხვადასხვა სახალისო აქტივობა ელოდებათ.
We are Beauty – ამ სლოგანით სილამაზის ფესტივალი საქართველოში პირველად PSP-მ გამართა. ფესტივალი მასშტაბით იმეორებს და რიგ შემთხვევებში უსწრებს კიდეც უცხოურ ანალოგებს, რაც საქართველოს საერთაშორისო ყურადღების ცენტრში აქცევს.
PSP-ს მეშვეობით, თითქმის 30 წელია მედიკამენტები და მოვლის საშუალებები ხელმისაწვდომია მთელი საქართველოს მასშტაბით.
„ჩვენი წარმომადგენლები უცხო ქვეყნებში ხშირად ესწრებიან მსგავს ფესტივალებს და დიდი ხანია გვინდა, მსგავსი გამოცდილების მიღება საქართველოშიც შესაძლებელი ყოფილიყო.
გვინდოდა ქართველ მომხმარებელს უფრო ახლოს გაეცნო ჩვენი ბრენდი და უფრო ფართოდ გვეჩვენებინა, რომ არა მხოლოდ მედიკამენტებსა და ბავშვის მოვლის საშუალებებს ვთავაზობთ მათ, არამედ უკვე დიდი ხანია გვაქვს თავის მოვლის პრემიუმ ხარისხის პროდუქტები“, – ამბობს სალომე პატარაია და აღნიშნავს, რომ ბათუმის ფესტივალის ჩატარების შემდეგ გაანალიზებენ PSP Beauty Fai-ის შედეგებს, რის საფუძველზეც მომდევნო წლის აქტივობები დაიგეგმება.
ფესტივალზე დასასწრებად აუცილებელია წინასწარი რეგისტრაცია ბმულზე:
https://pspbeautyfair.ge/registration
რეგისტრაციის შემდეგ, SMS-ის სახით მიიღებთ ელექტრონულ ბილეთს, რომლითაც დაესწრებით ფესტივალს.
მისამართი: ბათუმი, ლადო ასათიანის ქუჩა N27, სპორტის სასახლე.
