პირველი ივნისი ბავშვთა დაცვის საერთაშორისო დღეა.
ამ დღესთან დაკავშირებით ბათუმში დაგეგმილია ღონისძიებები ბავშვებისთვის, ცენტრალურ პარკში და დელფინარიუმის მიმდებარე ტერიტორიაზე.
ღონისძიებები 12:00 საათზე დაიწყება.
ბათუმის მერიის ინფორმაციით, „მთელი დღის განმავლობაში ბავშვების სადღესასწაულო განწყობაზე იზრუნებენ ზღაპრის გმირები, ჯამბაზები და მეკობრეები, გაიმართება სხვადასხვა შემეცნებით-გასართობი ღონისძიება, ბავშვთა ნამუშევრების გამოფენა-გაყიდვა და თამაშები; ტერიტორია მოირთვება სადღესასწაულოდ, განლაგდება მულტფილმების გმირების სტენდები და ფოტოსტენდები“.
- 10:30 საათამდე საბავშვო გასართობი აქტივობები – სპორტული ესტაფეტები, ფერადი საპნის შოუ, ზღაპრის გმირები – იქნება წარმოდგენილი ბავშვებისთვის.
- 11:00 საათზე – გალა-კონცერტი ყინულის ცენტრის მოციგურავეებისა და ემილის მონაწილეობით.
- 12:00 – 18:00 საათამდე ბათუმში მოქმედი საბავშვო სტუდიებისა და ანსამბლების მონაწილეობით კონცერტი გაიმართება.
- 18:30 საათზე ანსამბლ „რანინას“ კონცერტი იგეგმება.
ასევე, აქტივობები დაგეგმილია სპორტულ ცენტრში (ლადო ასათიანის #27).
___
ფოტო ბათუმელების არქივიდან