უფასო ნაყინები და ატრაქციონები – რა იგეგმება ბავშვებისთვის პირველ ივნისს ბათუმში


პირველი ივნისი ბავშვთა დაცვის საერთაშორისო დღეა. ამ დღესთან დაკავშირებით, ბათუმში ბავშვებისთვის სხვადსხვა გასართობი ღონისძიება იგეგმება.

ბათუმის ცენტრალურ პარკში გასართობი ღონისძიებები 12:00 საათიდან დაიწყება და 19:00 საათამდე გაგრძელდება.

პროგრამით გათვალისწინებულია საბავშვო გასართობი თამაშები, ფოტოსტენდები, კომპიუტერული თამაშები, ქვიშის მოედანი. მერიის ინფორმაციით, ბავშვებისთვის დარიგდება 3 ათასი ცალი ნაყინი, პოპკორნი და ბუშტი. ამ დღეს ცენტრალურ პარკში ატრაქციონებიც უფასოდ იმუშავებს.

კონცერტს გამართავენ „ცისფერი ბალერინები“, „სახე“, „ლალე“, „ლიმპოპო“, „ჰარმონია“, „ნიჟარა“, „ჩვენი სახლი“, „დული ლული“, „ზღვის შვილები“, „ბაბილინა“ და „ბასტი ბუბუ“.

ბავშვთა დაცვის დღეს გაიხსნება ბათუმის ზოოკუთხეც. ბათუმის მერიის ინფორმაციით, ბავშვებს ცხოველების დათვალიერება მთელი სეზონის განმავლობაში უფასოდ შეეძლებათ.

____________________

მთავარი ფოტო: „ბათუმელების“ არქივიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com