მმართველი პარტია „ქართული ოცნების“ თავმჯდომარე ირაკლი კობახიძე დღეს, 26 მაისს, საქართველოს დამოუკიდებლობის დღის აღმნიშვნელ ღონისძიებას არ ესწრება, იგი სპორტდარბაზში ვარჯიშობს – ინფორმაციას და ფაქტის ამსახველ მოკლე ვიდეოს ტელეკომპანია „ფორმულა“ აქვეყნებს.
„ბატონო ირაკლი, მთავრობის ღონისძიებას რატომ არ ესწრებით? არ გსურთ დასწრება?“ – ისმის ვიდეოჩანაწერში ჟურნალისტის შეკითხვა, რასაც კობახიძე ხელის აქნევით პასუხობს.
გუშინ, 25 მაისს, ირაკლი კობახიძემ „უსამშობლო“ უწოდა ადამიანებს, რომლებმა ფეისბუქზე უკრაინისა და ევროკავშირის დროშებიანი ფოტოს ჩარჩოს დააყენეს.
დღეს, 26 მაისს, დამოუკიდებლობის დღესთან დაკავშირებით გამართული ოფიციალური მიმართვისას პრეზიდენტმა სალომე ზურაბიშვილმა მწვავედ გააკრიტიკა „ქართული ოცნების“ ხელისუფლება ანტიდასავლური პოლიტიკის გამო.
