34 წლის ბექა ლეჟავას თქვენი მხარდაჭერა სჭირდება, ის ახლა მძიმე დიაგნოზით თურქეთში, სტამბოლის კლინიკა„Florence“-ის ინტენსიურ განყოფილებაშია და ექიმები მისი სიცოცხლის გადარჩენისთვის იბრძვიან.
ბექა ლეჟავას აგრესიული ფორმის ლიმფომა დაუდგინეს, B-უჯრედოვანი. მის მკურნალობის კურსს, სამედიცინო დოკუმენტაციის მიხედვით, 42 ათასი აშშ დოლარი სჭირდება.
„რამდენიმე დღეა, რაც ინტენსიურ განყოფილებაშია, ის ძალიან მძიმედაა,“ – ამბობს „ბათუმელებთან“ ბექა ლეჟავას რძალი, თიკო სვიმონიშვილი. – „თანხის ნაწილი შეგროვდა, დაახლოებით 22 ათასი ლარი… თბილისში ორი ქიმია გაიკეთა, მაგრამ ძალიან დიდი გართულება მოჰყვა. მეორე ქიმიაზე არ ჰქონია იმდენად დიდი გართულება, მაგრამ სიმსივნის მარკერები არ ჩამოდიოდა ქვევით… ქართველმა ექიმებმა თავად გვირჩიეს, მეტი სერვისის გამო თურქეთში გადაგვეყვანა ბექა,“ – ამბობს თიკო სვიმონიშვილი.
ბექა ლეჟავა საჯარო რეესტრის თბილისის ოფისის თანამშრომელია, იგი პროფესიით იურისტია და დოქტორანტი. თიკო გვიყვება, რომ მძიმე დიაგნოზის შესახებ ბექამ ცოტა ხნის წინ – თებერვალში გაიგო, დაავადება კი რამდენიმე დღეში პროგრესირდა.
„…იანვრის ბოლოს ჰქონდა სიცხეები და სამსახურიდან აიღო ბიულეტენი, თან სადოქტოროზე მუშაობდა და არ იმჩნევდა, ეგონა, რომ გადაღლილი იყო. ოჯახის ექიმმა დააფიქსირა მუცლის არეში სიმაგრეები და გაუშვა კვლევაზე… ვიდრე ბიოფსიის პასუხი მოვიდა, უკვე 15 თებერვლამდე ბექა ძალიან ცუდად გახდა, კლინიკაში მოთავსება სასწრაფოდ გახდა საჭირო. ახლა სიმსივნე მეოთხე B სტადიაშია,“ – გვითხრა თიკო სვიმონიშვილმა.
ბექა ლეჟავას დახმარებისთვის თანხის ჩარიცხვა შესაძლებელია ამ მისამართზე:
#GE59BG0000000643208300
საქართველოს ბანკი მიმღები ბექა ლეჟავა
#GE31TB7367645064300017
თიბისი ბანკი მიმღები მელანო გელაშვილი
