მთავარი,სიახლეები

არღვევს თუ არა უმაღლესი საბჭოს თავმჯდომარე კანონს მივლინებაში ყოფნის გამო

31.05.2016 • 1523
არღვევს თუ არა უმაღლესი საბჭოს თავმჯდომარე კანონს მივლინებაში ყოფნის გამო

უსკოს თავმჯდომარის პოსტზე წარდგენილ კანდიდატს უმაღლეს საბჭოში კიდევ ერთხელ 6 ივნისს უყრიან კენჭს. კანონი კენჭისყრას კანდიდატის წარდგენიდან 14 დღეში ითვალისწინებს. უმაღლესი საბჭოს წევრი პეტრე ზამბახიძე „ნაციონალური მოძრაობიდან“ ამბობს, რომ ვადა 2 ივნისს იწურებოდა და კანონის მოთხოვნა საბჭოს თავმჯდომარემ მივლინებაში წასვლის გამო დაარღვია. ავთანდილ ბერიძე მივლინებით გერმანიაში იმყოფება.

„იმის გამო, რომ არავის აძლევს უფლებას სხდომა ჩაატაროს, თუნდაც ქართული ოცნებიდან, არღვევს კანონს“, – განაცხადა პეტრე ზამბახიძემ „ბათუმელებთან“.

„როგორც ჩანს, პეტრემ არასამუშაო დღეები არ გამოაკლო“, – განმარტა უმაღლესი საბჭოს პრესსამსახურის უფროსმა ბესო შერვაშიძემ.

19 მაისიდან – 2 ივნისამდე 14-დღიანი ვადა ნამდვილად იწურება ოღონდ დასვენების დღეების ჩათვლით, ხოლო თუ დასვენების დღეებს გამოვაკლებთ, კანონმდებლობით გათვალისწინებული ვადა არ ირღვევა.

უსკოს თავმჯდომარის პოსტზე დავით ქარცივაძის კანდიდატურას პირველად უმაღლესმა საბჭომ 19 მაისს უყარა ჯენჭი, კანდიდატს ხმების საჭირო რაოდენობამდე ერთი ხმა დააკლდა. კანონმდებლობა ერთი და იმავე კანდიდატურის კენჭისყრას უმაღლეს საბჭოში, ორჯერ ითვალისწინებს.

გადაბეჭდვის წესი


ასევე: