მთავარი,სიახლეები

რას წერს ბელარუს პარტიზანებსა და რუსული საჰაერო სისტემების დაზიანებაზე ბრიტანეთის დაზვერვა

28.02.2023 • 1208
რას წერს ბელარუს პარტიზანებსა და რუსული საჰაერო სისტემების დაზიანებაზე ბრიტანეთის დაზვერვა

გაერთიანებული სამეფოს დაზვერვა 28 თებერვლის ანგარიშში ბელარუსში, მაჩულიშჩუს ბაზაზე, რუსული საჰაერო სისტემების დაზიანების შესახებ გავრცელებულ ცნობებს მიმოიხილავს.

როგორც ანგარიშში ვკითხულობთ, 2023 წლის 19 იანვარს, მოყვარულმა დამკვირვებლებმა ბელარუსში, მაჩულიშჩუს საჰაერო ბაზიდან ორ მოიერიშე МиГ 31-თან ერთად აფრენილი რუსული საჰაერო-სადესანტო ადრეული შეტყობინების სისტემა A 50 დააფიქსირეს. უწყების ცნობით, ისინი მონაწილეობდნენ რუსულ-ბელარუსულ საჰაერო წვრთნებში, რომელიც 2023 წლის 16 იანვრიდან პირველ თებერვლამდე მიმდინარეობდა.

ბრიტანეთის დაზვერვის ცნობით, 2023 წლის 26 თებერვალს ბელარუსულმა პარტიზანულმა ჯგუფმა BYPOL-მა და ქვეყნიდან გაძევებულმა ოპოზიციონერმა ლიდერებმა განაცხადეს, რომ მაჩულიშჩუს საჰაერო ბაზაზე განთავსებული A 50 დრონის თავდასხმის შედეგად სერიოზულად დაზიანდა.

BYPOL ავრცელებს ცნობას ორი აფეთქებისა და A 50-ის წინა და შუა სექციების, ასევე რადარის ანტენის დაზიანების შესახებ.

A 50 რუსული საჰაერო-სადესანტო ადრეული შეტყობინებისა და კონტროლის პლატფორმაა. მისი როლია აღქმადი საჰაერო სურათის შექმნა და მიმდებარე მოიერიშე თვითმფრინავების კოორდინაციის უზრუნველყოფა.

როგორც ბრიტანელი დაზვერვის ანალიტიკოსები წერენ, მომხდარზე პასუხისმგებელი პირის ვინაობა და ზიანი ოფიციალურად არ არის დადასტურებული. თუმცა, ანალიტიკოსთა შეფასებით, განადგურებული A 50-ი რუსებისთვის ძალიან მნიშვნელოვანი დანაკარგი იქნება, რადგან რუსული საჰაერო ოპერაციების დროს იგი გადამწყვეტ როლს ასრულებს, საჰაერო ბრძოლის ველის სურათის შესაქმნელად.

ბრიტანეთის დაზვერვის შეფასებით, თუ დადასტურდება A 50-ის დაზიანების შესახებ ინფორმაცია, მაშინ რუსეთს სისტემაში ექვსი მოქმედ A 50 დარჩება. „ეს კიდევ უფრო შეზღუდავს რუსეთის საჰაერო ოპერაციებს“, – ვკითხულობთ, გაერთიანებული სამეფოს დაზვერვის 28 თებერვლის ანგარიშში.

გადაბეჭდვის წესი


ასევე: