20 თებერვალს, საღამოს, თურქეთში, ჰატაის პროვინციაში მომხდარი მიწისძვრის შედეგად სულ მცირე სამი ადამიანი დაიღუპა და 213 დაშავდა – ამის შესახებ თურქული მედია წერს ქვეყნის შინაგან საქმეთა მინისტრის განცხადებაზე დაყრდნობით.
მინისტრის თქმით, ამავე დროს, სამ ობიექტზე სამძებრო-სამაშველო სამუშაოები მიმდინარეობს.
6,4 მაგნიტუდის მიწისძვრა დაახლოებით 20:04 საათზე მოხდა და მას სამი წუთის შემდეგ 5,8 მაგნიტუდის ბიძგები მოჰყვა.
ორი ახალი მიწისძვრა გუშინ იმავე პროვინციაში მოხდა, სადაც ორი კვირის წინ 7,7 და 7,6 მაგნიტუდის სიმძლავრის მიწისძვრებმა 41 ათასზე მეტი ადამიანის სიცოცხლე იმსხვერპლა.
___________________
ფოტოზე: ჰატაი, 20 თებერვალი. ფოტო: EPA-EFE/ERDEM SAHIN
