„სოკარ ჯორჯია გაზის“ ცნობით, 4 იანვარს, ბათუმში, ფიროსმანის ქუჩა #17-ში მცხოვრებ აბონენტებს გაზის მიწოდება შეუწყდათ. კომპანიის ცნობით, გაზის შეწყვეტის მიზეზი ავარიული დაზიანებაა.
„სოკარის“ ცნობით, ამ დროისთვის გაზი არ მიეწოდება 829 აბონენტს.
„ამ ეტაპზე საავარიო ჯგუფი ადგილზე მუშაობს. ბუნებრივი გაზის მიწოდება დაიწყება 5 იანვრის 15:00 საათიდან და სრულად აღდგება 5 იანვრის დღის ბოლომდე“ – აცხადებს კომპანია.
კომპანია აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.
