გაერთიანებული სამეფოს დაზვერვის 2 იანვრის ანგარიშში P66 მაგისტრალის კონტროლისთვის მიმდინარე ბრძოლაა განხილული. როგორც დაზვერვის მონაცემებიდან ვიგებთ, სავარაუდოდ, რუსული და უკრაინული ძალები აღნიშნულ მაგისტრალზე კონტროლის დასამყარებლად ბოლო 5 დღეა იბრძვიან.
P66 მაგისტრალი მაგისტრალი რუსეთის კონტროლქვეშ მყოფი ლუგანსკის ოლქის ქალაქ კრემენაიას ჩრდილოეთით მდებარეობს. იგი მთავარი მარშრუტია დონბასის ფრონტის ჩრდილოეთ სექციის რუსეთის ბელგოროდის რეგიონიდან მომარაგებისათვის. როგორც ბრიტანული დაზვერვა წერს, ოქტომბრის შემდეგ, რუსები P66 მაგისტრალს სრულად ვერ იყენებენ, შეფერხების მიზეზი უკრაინული არტილერიაა.
გაერთიანებული სამეფოს დაზვერვის სამსახურის შეფასებით, თუ უკრაინული მხარე მოახერხებს მაგისტრალზე სრული კონტროლის დამყარებას, ამით, დიდი ალბათობით, კიდევ უფრო შეარყევს რუსეთის თავდაცვას კრემენაიასთან.
კრემენაია ბრძოლის ერთ-ერთი მთავარი ეპიცენტრია, სადაც რუსეთმა თავდაცვის ხაზი ააშენა და მის გამაგრებას ისახავს პრიორიტეტად. ბრიტანული დაზვერვა ამ ქალაქის ირგვლივ მიმდინარე ბრძოლებსა და მნიშვნელობაზე გასულ ანგარიშებშიც წერდა.
ამავე თემაზე:
რუსეთმა ბრძოლის ხაზი კრემენაიასთან დამატებითი ძალებით გააძლიერა – ბრიტანეთის დაზვერვა
