პოლონეთის, ესტონეთისა და მოლდოვის პრეზიდენტები და NATO-ს გენერალური მდივანი პოლონეთის პრეზიდენტის ანჯეი დუდას თვითმფრინავით გაფრინდნენ ნიუ-იორკში ლონდონიდან, სადაც ისინი დიდი ბრიტანეთის დედოფლის დაკრძალვას ესწრებოდნენ.
თვითმფრინავში გადაღებული ფოტოები დუდას კანცელარიამ და ესტონეთის პრეზიდენტმა ალარ კარისმა გამოაქვეყნეს.
Wraz z Prezydentem @AndrzejDuda do Stanów Zjednoczonych na sesję Zgromadzenia Ogólnego ONZ udają się Sekretarz Generalny NATO @jensstoltenberg, Prezydenci Mołdawii @sandumaiamd oraz Estonii @AlarKaris. pic.twitter.com/kHQJI2Us1r
— Kancelaria Prezydenta (@prezydentpl) September 19, 2022
„პრეზიდენტ ანჯეი დუდასთან ერთად, შტატებში, გაეროს გენერალური ასამბლეის სესიას გაემგზავრნენ NATO-ს გენერალური მდივანი იენს სტოლტენბერგი, მოლდოვის პრეზიდენტი მაია სანდუ და ესტონეთის პრეზიდენტი ალარ კარისი“, – ასეთი წარწერა გაუკეთა ფოტოს დუდას კანცელარიამ.
ალარ კარისმა თავის შეტყობინებაში ტვიტერზე აღნიშნა, რომ გენერალურ ასამბლეაზე გეგმავს ილაპარაკოს რუსეთის აგრესიაზე უკრაინაში, უკრაინის მხარდაჭერაზე და გაეროს უსაფრთხოების საბჭოს რეფორმირების აუცილებლობაზე. მიუხედავად იმისა, რომ რუსეთი თავად არღვევს საერთაშორისო სამართლის ნორმებს, დღემდე აქვს ხმა საბჭოში და გადაწყვეტილებების დაბლოკვა შეუძლია.
On our way from London to NYC to attend #UNGA77.
I will focus on Russia’s war of aggression, supporting #Ukraine and on the need for #UNSecurityCouncil reform. pic.twitter.com/fbzjXsLjvr
— Alar Karis (@AlarKaris) September 19, 2022
როგორც Европейская правда წერს, ფოტომ შესაძლოა რუსეთის ყურადღება კიდევ ერთხელ მიაპყროს მოლდოვას იმის გამო, რომ მაია სანდუ NATO-ს გენერალურ მდივანთან ერთად მგზავრობს.
სანდუს განცხადებებმა იმის შესახებ, რომ მოლდოვამ საკუთარი არმიის განვითარებაზე უნდა იზრუნოს, მაშინვე გამოიწვია „აგრესიული ზრახვების“ ბრალდება კრემლისა და რუსეთის მიერ კონტროლირებად დნესტრისპირეთის მხრიდან.
მთავარ ფოტოზე: ალარ კარისი, ანჯეი დუდა, მაია სანდუ და იენს სტოლტენბერგი თვითმფრინავში/ფოტო: ალან კარისის ტვიტერიდან