ნეტგაზეთი • RU

ზელენსკის მანქანა კიევში ავარიაში მოყვა – ვიდეო

უკრაინის პრეზიდენტის ვოლოდიმირ ზელენსკის კორტეჟი ავარიაში მოჰყვა. ავტოსაგზაო შემთხვევა კიევში წუხელ, დაახლოებით ღამის 12 საათზე მოხდა.

სოციალურ ქსელებში თვითმხილველების მიერ გავრცელებულ კადრებში ჩანს პოლიციის, სახანძროსა და სასწრაფო დახმარების მანქანები კიევის ერთ-ერთ ქუჩაზე.

როგორც ზელენსკის პრესმდივანმა სერგეი ნიკოფოროვმა აღნიშნა, კორტეჟის ავტომანქანას, რომელშიც პრეზიდენტი იჯდა, მსუბუქი ავტომანქანა დაეჯახა.

„მედიკოსებმა, რომლებიც პრეზიდენტს ახლდნენ, მსუბუქი ავტომობილის მძღოლს პირველი სამედიცინო დახმარება გაუწიეს და სასწრაფო დახმარების ექიმებს გადასცეს,“ – განაცხადა ნიკოფოროვმა და აღნიშნა, რომ ექიმებმა გასინჯეს პრეზიდენტიც, რომელსაც დაზიანებები არ აღენიშნებოდა.

უკრაინული მედიის ცნობით, ზელენსკი ბრუნდებოდა ხარკოვის ოლქიდან, სადაც ის ახლად გათავისუფლებულ ქალაქ იზიუმში დროში აღმართვის ცერემონიას დაესწრო.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.