კიევის საკრებულომ დედაქალაქის კიდევ შვიდ ქუჩას და ჩიხს გადაარქვა სახელი უკრაინის დამცველების პატივსაცემად ქალაქის ობიექტების დერუსიფიკაციისა და დეკომუნიზაციის პროცესში. ამის შესახებ უკრაინული გამოცემა „ჰრომადსკე“ წერს.
მაგალითად, კიევში, პოდოლსკის რაიონში დოსტოევსკის შესახვევს უწოდეს უკრაინელი პოეტის, უკრაინის შეიარაღებული ძალების უმცროსი სერჟანტის, მაქსიმ კრივცოვის სახელი, რომელიც 2024 წლის 7 იანვარს 33 წლის ასაკში დაიღუპა. იგი 2014 წელს მოხალისედ წავიდა ფრონტზე.
ვეშენსკის შესახვევს უწოდეს უკრაინელი სამხედრო მფრინავის, უკრაინის გმირის, ზაპოროჟიელი ვიაჩესლავ რადიონოვის სახელი, რომელმაც სიცოცხლის ფასად გადაარჩინა საჰაერო ბრიგადა რუსეთის უკრაინაში სრულმასშტაბიანი შეჭრის დასაწყისში.
ასევე, კიევის საკრებულომ სახელი შეუცვალა ნახიმოვის, ზასლონოვის, ნაუმოვის და სხვა ქუჩებს. ყველა ქუჩას ეწოდა რუსეთთან ომში დაღუპული უკრაინელი მეომრების სახელი.
რუსეთის უკრაინაზე თავდასხმის შემდეგ უკრაინის ქალაქებში მასობრივად უცვლიან სახელებს რუსი მწერელების, მეცნიერების, სამხედრო პირების და ა.შ. ქუჩებს.
ამავე თემაზე:
უნდა იყოს რუსი მწერლების სახელობის ქუჩები ბათუმში? – რას ფიქრობენ ქართველი მწერლები
