„თავისუფალ ჟურნალისტთა სახლი“ ფონდის – „ამერიკული წვლილი დემოკრატიისთვის” (NED) დაფინანსებული პროექტის ფარგლებში აცხადებს კონკურსს აჭარის რეგიონში 10 პარტნიორი საჯარო სკოლის შესარჩევად.
სკოლები შეირჩევა 5 მუნიციპალიტეტის ტერიტორიაზე: ხულოში, შუახევში, ქედაში, ხელვაჩაურსა და ქობულეთში. თითოეული მუნიციპალიტეტიდან შეირჩევა 2 სკოლა.
შერჩეული სკოლის ბაზაზე შეიქმნება ან/და გაძლიერდება მოქმედი სამოქალაქო კლუბი, რომლის წევრი მოსწავლეები და პედაგოგები ერთი წლის განმავლობაში ორგანიზაციიდან მიიღებენ სხვადასხვა ფინანსურ მხარდაჭერას თავიანთი იდეების განსახორციელებლად.
კლუბის წევრებს ასევე ჩაუტარდებათ 3-თვიანი ონლაინ-სწავლება სხვადასხვა თემებსა და საკითხებზე, მათ შორის: ადამიანის უფლებების მნიშვნელოვან მიმართულებებზე და მედია მასალების მომზადებაზე, საზოგადოებაში ცნობადობის ამაღლებისთვის.
დაინტერესებულ პირებს შეუძლიათ შეავსონ სააპლიკაციო ფორმა შემდეგ ბმულზე [გასახსნელად დაკლიკეთ ბმული].
ფორმის შევსება შეუძლია სკოლის წარმომადგენელს: დირექტორს ან სამოქალაქო განათლების პედაგოგს.
შერჩევის კრიტერიუმები მოიცავს აპლიკაციების გადარჩევას, გასაუბრებასა და სკოლაში ვიზიტს.
დაინტერესებული პირებისთვის დამატებითი ინფორმაციის მიწოდების მიზნით 20 სექტემბერს, 16:00 საათზე, Zoom პლატფორმაზე გაიმართება პრეზენტაცია, სადაც პროექტის განმახორციელებელი გუნდი უპასუხებს კითხვებს.
დამატებითი კითხვებისთვის დარეკეთ: 593 30 71 55; 557 99 33 32.
