სარფში პლაჟზე ლითონის ბოძები ჩააბეტონეს [ფოტო]

სარფის პლაჟზე, ე.წ. ქვაომხასთან ახლოს ლითონის ბოძებია ჩებეტონებული. ტერიტორია ხელვაჩაურის მერიას ეკუთვნის.

მერიაში განმარტეს, რომ პლაჟის ამ მონაკვეთზე რაიმე კონსტრუქციის მოწყობის ნებართვა გაცემული არ არის და ლითონის ბოძები უკანონოდ ჩააბეტონეს:

„მერიის ზედამხედველობის სამსახურმა მშენებლობა შეაჩერებინა და დააჯარიმა“ – გვითხრეს პრესსამსახურში, თუმცა, ვერ დაგვიზუსტეს როდის დააჯარიმეს მშენებელი და რას ითვალისწინებდა ჯარიმა.