მთავარი,რეკლამა,სიახლეები

„შთამბეჭდავია საქართველოს რეფორმები“- ევროპის საზღვაო უსაფრთხოების სააგენტოს დირექტორი

21.06.2022 • 938
„შთამბეჭდავია საქართველოს რეფორმები“- ევროპის საზღვაო უსაფრთხოების სააგენტოს დირექტორი

საქართველოს საზღვაო ტრანსპორტის სააგენტოს ხელმძღვანელმა თამარ იოსელიანმა პორტუგალიის დედაქალაქ ლისაბონში, ევროპის საზღვაო უსაფრთხოების სააგენტოს (EMSA) მიერ ორგანიზებულ მაღალი რანგის კონფერენციაში მიიღო მონაწილეობა.

კონფერენცია 𝗘𝗠𝗦𝗔-ს 𝟮𝟬 წლის იუბილეს მიეძღვნა და საქმიანობის მომავალი 𝟮𝟬 წლის კურსის განსაზღვრას ისახავდა მიზნად. ღონისძიებაში მონაწილეობა მიიღეს მაღალი რანგის მომხსენებლებმა, საზღვაო ინდუსტრიის და EMSA-ს ძირითადი დაინტერესებული მხარეების წარმომადგენლებმა.

კონფერენციის ფარგლებში, საზღვაო ტრანსპორტის სააგენტოს დირექტორმა ორმხრივი შეხვედრა გამართა ევროპის საზღვაო უსაფრთხოების სააგენტოს დირექტორ მაია კოსტელაკთან. მხარეებმა საქართველოში საზღვაო სერვისების გაციფროვნების პროექტზე და ევროკავშირთან ასოცირების ხელშეკრულების ფარგლებში, ტრანსპორტის სფეროში დირექტივების დანერგვასთან დაკავშირებით ისაუბრეს. EMSA, როგორც ევროკავშირში საზღვაო ტრანსპორტზე პასუხისმგებელი რეგიონული უწყება, პირდაპირ არის ჩართული ევროკავშირში „ერთიანი საზღვაო ფანჯრის სისტემის“ ჩამოყალიბებაში. შესაბამისად, აღნიშნულ შეხვედრა მნიშვნელოვანია როგორც როგორც საუკეთესო გამოცდილების გაზიარების, ასევე ევროპული „საზღვაო ერთი ფანჯრის სისტემაში“ საქართველოს სამომავლო ჩართვის კუთხით.

– „შთამბეჭდავია საქართველოს რეფორმები მეზღვაურთა განათლებისა და საზღვაო დროშის განვითარების მიმართულებით“, – აღნიშნა მაია კოსტელაკმა საქართველოს საზღვაო სფეროში განხორციელებულ რეფორმებსა და მნიშვნელოვან პროექტებზე საუბრისას.

2022 წლის მაისში ქვეყანამ წარმატებით გაიარა EMSA-ს აუდიტი, სადაც გასული 8 წლის განმავლობაში განხოციელებული საქმიანობა შეფასდა.

მხარეებმა შეხვედრაზე საქართველოს ევროკავშირის ქვეყნების გემების შორ მანძილზე იდენტიფიცირებისა და მონიტორინგის სისტემაში (EU LRIT CDC) მონაწილეობაზეც ისაუბრეს. საქართველო არის პირველი არაწევრი ქვეყანა აღმოსავლეთ პარტნიორობის ქვეყნებს შორის, რომელიც აღნიშნულ სისტემას (LRIT CDC) შეუერთდა 2019 წელს, რამაც საქართველოს მისცა შესაძლებლობა უფრო ეფექტიანად მოახდინოს თავისი დროშის ქვეშ მცურავი გემების კონტროლი და საქართველოს ტერიტორიულ წყლებში ნაოსნობის მონიტორინგი.

გადაბეჭდვის წესი


ასევე: