მთავარი,სიახლეები

ირაკლი კუპრაძის ნაცვლად ბათუმის საკრებულოში ვაჟა დარჩია შევა „ლელოდან“

30.05.2022 • 1596
ირაკლი კუპრაძის ნაცვლად ბათუმის საკრებულოში ვაჟა დარჩია შევა „ლელოდან“

ირაკლი კუპრაძის ნაცვლად ბათუმის საკრებულოში „ლელოდან“ ვაჟა დარჩია იმუშავებს. ის ადგილობრივი თვითმმართველობის წინა არჩევნებზე „ლელოს“ პარტიული სიის მეორე ნომერია, სიის პირველმა ნომერმა, ირაკლი კუპრაძემ კი, დღეს, 30 მაისს, ბათუმის საკრებულოს წევრის მანდატი დატოვა.

„საკრებულოს შემდეგ სხდომას დავესწრები უკვე. ირაკლი კუპრაძემ მიიღო პერსონალური გადაწყვეტილება, რასაც ვეთანხმებით, თუმცა მანდატის და ტრიბუნის გამოყენებას ვაპირებთ,“ – აღნიშნა ვაჟა დარჩიამ „ბათუმელებთან“.

„მე საკუთარ თავს პერსონალურად ვერ ვხედავ ამ მოწვევის საკრებულოში, მიმაჩნია, რომ ბევრად უფრო ეფექტური ვიქნები სხვა ფლანგზე ბრძოლით. ვაგრძელებ ბრძოლას, ვაგრძელებ შრომას, ხელმისაწვდომი ვარ თითოეული ჩვენი გულშემატკივრისთვის მხარდაჭერის ფარგლებში. არ ვაპირებთ გაჩერებას და ხელის ჩაქნევას“, – განაცხადა ირაკლი კუპრაძემ.

გადაბეჭდვის წესი


ასევე: