გაერთიანებული სამეფოს დაზვერვის 22 მაისის მონაცემებით, როგორც ჩანს, სატანკო მხარდაჭერის საბრძოლო მანქანები, იგივე BMP-T „ტერმინატორი“, დონბასში, სევეროდონეცკის მიმართულებაზე განალაგეს.
დაზვერვის ანალიზის მიხედვით, მათი იქ ყოფნა მიანიშნებს, რომ ამ თავდასხმაში ჩართულია „სამხედრო ძალების ცენტრალური დაჯგუფება“ (CGF) – ერთადერთი დაჯგუფება, რომელიც „ტერმინატორს“ ველზე მართავს.
ბრიტანული დაზვერვის ინფორმაციით, CGF-ს თავდასხმის პირველ ფაზაში მძიმე დანაკარგები აქვს აღმოსავლეთ კიევის გარღვევის წარუმატებელი მცდელობისას.
როგორც გაერთიანებული სამეფოს დაზვერვის 22 მაისის განახლებაში ვკითხულობთ, „ტერმინატორი“ რუსეთმა მას შემდეგ შექმნა, რაც ავღანეთისა და ჩეჩნეთის ომებში აღმოაჩინა, რომ საბრძოლო ტანკებს სჭირდებოდა დაცვისა და მხარდაჭერის მიწოდება.
დაზვერვის ინფორმაციით, სევეროდონეცკის არეალი ამ დრომდე რჩება რუსეთის ერთ-ერთ სასწრაფო ტაქტიკურ პრიორიტეტად. თუმცა მაქსიმუმ ათი „ტერმინატორით“, რაც ახლა დონბასშია განლაგებული, ნაკლებად სავარაუდოა, რომ რაიმე მნიშვნელოვანი გავლენას იქონიებს საბრძოლო კამპანიაზე.
______
