უეფა და დისნეი იწყებს პროექტს საქართველოში ფეხბურთის მოყვარული გოგოებისთვის

„ფლეიმეიქერსი“ უეფასა და დისნეის ერთობლივი პროექტია, რომლის ვარჯიშები დისნიეს ანიმაციების თემატიკითაა შედგენილი და გარკვეული აქტივობების დახმარებით, 5-8 წლამდე გოგონების ფეხბურთში ჩართვას ისახავს მიზნად. სავარჯიშო პროცესში ჩართვა ბავშვებს უფასოდ შეეძლებათ.

საქართველოში „ფლეიმეიქერსის“ ჩასატარებლად მწვრთნელების სპეციალური პროგრამით გადამზადებას, სპორტულ ეკიპირებასა და ელექტრონულ სახელმძღვანელოებს უზრუნველყოფს საქართველოს ფეხბურთის ფედერაცია. 

აღნიშნული პროექტი მთელი ქვეყნის მასშტაბით 30 ლოკაციას მოიცავს. ამ პროცესში ჩართული იქნებიან როგორც კერძო სკოლები, ისე ქალთა კლუბები და საფეხბურთო აკადემიები, ასევე, სფფ-ის პროექტ #WePlayStrong საქართველოს წერტილები.

ფეხბურთის ფედერაციის ინფორმაციით, თითოეულ ლოკაციაზე მინიმუმ 10 გოგონას შეუძლია ვარჯიში, რომლებსაც მინიმუმ 2 მწვრთნელი ავარჯიშებს, მათ შორის ერთი ქალი. წლის განმავლობაში ვარჯიშები ორ ეტაპად, შემოდგომასა და გაზაფხულზე ჩატარდება.

დაინტერესების შემთხვევაში უნდა მისწეროთ Women’s Football Georgia-ს პირად შეტყობინებაში.

Playmakers–ის ლოკაციები საქართველოში: 

დასავლეთ საქართველო: 

1. ბათუმი – სკოლა „ნიკე“
2. ბათუმი – „მეგასკოლა“
3. ბათუმი – ქალთა საფეხბურთო კლუბი „ბათუმი“
4. ბათუმი – ბაღი „ბემბი ლენდი“
5. ბათუმი – WPS ბათუმი
6. ქედა – ქედის სკოლა
7. ქობულეთი – ხუცუბნის სკოლა
8. ხონი – ხონის ტექნიკური გიმნაზია
9. გვიმბალაური – სფფ-ის საფეხბურთო აკადემია
10. მარტვილი – მარტვილის საფეხბურთო აკადემია
11. თერჯოლა – WPS თერჯოლა
12. ზუგდიდი – ქალთა საფეხბურთო კლუბი „ფენიქსი“
13. ამბროლაური – ქალთა საფეხბურთო კლუბი „რაჭა 2020“
14. საჩხერე – ქალთა საფეხბურთო კლუბი „ქარიშხალა“
15. ქუთაისი – ქალთა საფეხბურთო კლუბი „მართვე“

თბილისი

1. WPS ვარკეთილი
2. ბაქსვუდის სკოლა 
3. ქალთა საფეხბურთო კლუბი ნორჩი „დინამო“
4. ქალთა საფეხბურთო კლუბი „სოხუმის დინამო“
5. სკოლა–გიმნაზია „პირველი“
6. ლოკომოტივის საფეხბურთო აკადემია
7. დინამო თბილისის საფეხბურთო აკადემია
8. სელეროს საფეხბურთო სკოლა
9. ვიკინგების საფეხბურთო სკოლა
10. WPS გლდანი
11. WPS ვაკე
12. საფეხბურთო კლუბი „კვარტალი“

აღმოსავლეთ საქართველო

1. 1. ახმეტა – საფეხბურთო კლუბი „ბახტრიონი“
   2. ახალციხე – ქალთა საფეხბურთო კლუბი „ზარზმა“
   3. გორი – ქალთა საფეხბურთო კლუბი „გორი იუნაიტედი“