საქართველოს 16-წლამდე ფეხბურთელ გოგონათა ნაკრები სან-მარინოში ჩატარებული უეფას განვითარების თასის გამარჯვებულია. ინფორმაციას ამის შესახებ საქართველოს ფეხბურთის ფედერაცია ავრცელებს.
ტურნირის დასკვნით შეხვედრაში სალომე ხუბულურის გუნდმა ესტონეთის ნაკრებს 5:2 სძლია. საქართველოს ნაკრების რიგებში დუბლი სოფი ხელაშვილმა შეასრულა. თითო გოლი ქეთევან ჭურკვეიძის, ანანო წიქარიძის და ლოლიტა კალოიანის ანგარიშზეა.
საქართველოს 16-წლამდე ნაკრებმა ტურნირის სამივე მატჩი დიდი ანგარიშით მოიგო. სასტარტო შეხვედრაში საქართველოს გუნდმა მასპინძელ სან მარინოს 7:4 სძლია, ლუქსემბურგის ნაკრებთან ჩატარებული შეხვედრა კი ანგარით 4:1 მოიგო.
