ბულგარეთმა აუკრძალა რუსეთის დროშის ქვეშ რეგისტრირებულ ყველა გემს წვდომა ბულგარეთის პორტებზე.
ბულგარეთში პორტებით სარგებლობის უფლება აეკრძალათ ასევე გემებს, რომელთაც 2022 წლის 24 თებერვლის შემდეგ რეგისტრაცია რუსეთიდან სხვა სახელმწიფოზე გადაიტანეს.
ამის შესახებ ბულგარეთის საზღვაო ადმინისტრაციამ განაცხადა. ბრძანება ძალაში 16 აპრილს შევიდა.
აკრძალვა არ ვრცელდება მხოლოდ იმ გემებზე, რომლებიც მნიშვნელოვნადაა დაზიანებული და საჭიროებს საგანგებო დახმარებას ან/და საფრთხე ექმნება ადამიანების სიცოცხლეს.
_______________
ფოტო: EPA/KRASIMIR DELCHEV