უკრაინის პროკურატურის ცნობით, უკრაინაში რუსეთის ფედერაციის შეიარაღებული აგრესიის შედეგად 202 ბავშვი დაიღუპა და 561-ზე მეტი ბავშვი დაშავდა.
პროკურატურის ცნობით, ბავშვები ყველაზე მეტად დაშავდნენ დონეცკის ოლქში – 117, კიევის ოლქში – 106, ხარკოვის ოლქში – 89, ჩერნიგოვის ოლქში – 54 და ხერსონის ოლქში – 41.
უკრაინაში რუსეთის არმიის დაბომბვის შედეგად დაზიანდა 1018 სასწავლო დაწესებულება, აქედან 95 მთლიანად განადგურდა.
უკრაინის პროკურატურის ცნობით, ეს სტატისტიკა არ არის საბოლოო, რადგან საომარი მოქმედებები გრძელდება და რიგი ტერიტორიები ოკუპირებულია ან მიმდინარეობს საომარი მოქმედებები, რის გამოც ვერ ხდება მსხვერპლის შესახებ ინფორმაციის დაზუსტება.
