რუსეთმა უკრაინულ ჯარისკაცებს, რომლებიც მარიუპოლში აზოვსტალის ქარხანას იცავენ, დანებება შესთავაზა.
„ყველას, ვინც დადებს იარაღს, შეუნარჩუნდება სიცოცხლე“, – განაცხადა რუსეთის თავდაცვის ეროვნული კონტროლის ცენტრის ხელმძღვანელმა მიზინცევმა.
ქალაქი მარიუპოლი პირველი მარტიდან ალყაშია.
გაეროს მსოფლიო სასურსათო პროგრამის (WFP) დირექტორის, დევიდ ბიზლის განცხადებით, ქალაქში 100 000-ზე მეტი მშვიდობიანი მოქალაქე იტანჯება შიმშილით, წყლისა და სითბოს ნაკლებობით.
დღეს, 17 აპრილს, 53 დღეა მას შემდეგ, რაც რუსეთის შეიარაღებული ძალები საჰაერო, სახმელეთო და საზღვაო გზით თავს დაესხა უკრაინის დამოუკიდებელ რესპუბლიკას.
ქალაქ მარიუპოლს სტრატეგიული მნიშვნელობა აქვს. მისი აღების შემთხვევაში შესაძლებელი იქნება, რუსეთის ფედერაცია სახმელეთო გზით დაუკავშირდეს ანექსირებული ყირიმისა და ქერჩის ნახევარკუნძულებს.
_____________
ფოტოზე: დაბომბილი მარიუპოლი. ფოტო: აზოვის პოლკი
